قازىرگى كەزدە جامبىل وبلىسىنداعى 51 تەحنيكالىق جانە كاسىپتىك ءبىلىم مەكەمەلەرىندە 32 320 بىلىمگەر 85 ماماندىق, 133 بىلىكتىلىك بويىنشا ءبىلىم الۋدا. ونىڭ 13 500-ءى وقۋعا مەملەكەتتىك تاپسىرىسپەن تۇسكەندەر.
2012 جىلدان باستاپ وبلىسىمىزدا دۋالدى وقىتۋ جۇيەسى ەنگىزىلدى. بۇگىنگى كۇنى 11 كوللەدجدە 19 ماماندىق بويىنشا دۋالدى وقىتۋعا 1521 بىلىمگەر قامتىلىپ, الەۋمەتتىك سەرىكتەستەرمەن 123 كەلىسىمشارت جاسالعان. الەۋمەتتىك سەرىكتەستىكتى ۇيلەستىرۋ ماقساتىندا كاسىپتىك-تەحنيكالىق ءبىلىم مەكەمەلەرى ءىرى ءوندىرىس ورىندارىمەن, شارۋا قوجالىقتارىمەن, باسقا دا مۇددەلى مەكەمەلەرمەن وقۋشىلاردى وندىرىستىك ءتاجىريبەدەن وتكىزۋ جانە جۇمىسپەن قامتۋ ماقساتىندا 1182 كەلىسىمشارت پەن مەموراندۋم جاسادى. ءبىلىم الۋشىلاردى وندىرىستىك تاجىريبەدەن وتكىزۋ ءۇشىن الەۋمەتتىك سەرىكتەستەر تاراپىنان 14 632 ورىن قاراستىرىلدى. ەكونوميكا سالالارىن بىلىكتى وتاندىق جۇمىس كۇشىمەن قامتاماسىز ەتۋ, كاسىپتىك ءبىلىم مەن ەڭبەك نارىعىنىڭ اراسىندا تىعىز بايلانىس ورناتۋ ماقساتىندا جۇمىس بەرۋشىلەر ەسەبىنەن وتكەن وقۋ جىلىندا 19,1 ملن. تەڭگە ءبولىنىپ, 146 ءبىلىمگەر, ال 2013-2014 وقۋ جىلىندا 30,5 ملن. تەڭگە ءبولىنىپ, 190 ءبىلىمگەر وقۋمەن قامتىلدى. ونىڭ ءىشىندە 34 بىلىمگەرگە شاكىرتاقى تولەنۋدە.
تەحنيكالىق جانە كاسىپتىك ءبىلىم بەرەتىن مەكەمەلەر جاڭا ماماندىقتار اشۋ ارقىلى ءوز اۋقىمىن كەڭەيتۋدە. 2013 جىلدان باستاپ «قازفوسفات» جشس-نە قاراستى «قاراتاۋ» تكوك-ءتىڭ قاجەتتىلىگى نەگىزىندە ءارى دۋالدىق وقىتۋ جۇيەسىن ەنگىزۋ ماقساتىندا 50 ورىن كولەمىندە مەملەكەتتىك تاپسىرىس ءبولىندى. جامبىل ءوڭىرىنىڭ ەكونوميكاسىن دامىتۋداعى باسىم باعىتتاردىڭ ءبىرى – حيميا ونەركاسىبى بولسا, بۇل سالادا وڭىرگە كەلگەن ءىرى وندىرىستىك كاسىپورىندار – «ەۆروحيم-ۋدوبرەنيە» جشس جانە «تاراز حيميالىق پاركى» ارنايى ەكونوميكالىق ايماعىنىڭ باسقارۋشى كومپانياسى» اق-تىڭ شوقتىعى بيىك. ءدال قازىر «ەۆروحيم-ۋدوبرەنيە» جشس تاراپىنان جاڭاتاس قالاسىندا ورنالاسقان №5 كوللەدجدى جۇمىسشى ماماندار دايارلاۋ ءۇشىن بازالىق كوللەدج رەتىندە پايدالانۋ ماسەلەسى قاراستىرىلۋدا. اتالعان كومپانياعا قاراتاۋ وڭىرىندە ورنالاسقان كوللەدجدەردە تاۋ-كەن ماماندارىن دايارلاۋدى 2015 جىلدان باستاۋدى جوسپارلاپ وتىر. سونداي-اق, «تاراز حيميالىق پاركى» كومپانياسىنا قاجەت 8 ماماندىق بويىنشا كادرلار دايارلانۋدا. بيىل جىل سوڭىنا دەيىن حيميا سالاسىنا قاجەت ماماندار دايارلاۋ ماقساتىندا تاراز قالاسىندا 600 ورىندىق كوللەدج پايدالانۋعا بەرىلەدى.
وتكەن جىلدىڭ سوڭىندا حالىقارالىق قايتا قۇرۋ جانە دامۋ بانكىنىڭ قارجىلاندىرۋىمەن «تەحنيكالىق جانە كاسىپتىك ءبىلىمدى جاڭعىرتۋ» جوباسى اياسىندا رەسپۋبليكا كولەمىندە بايقاۋ وتكىزىلىپ, وندا وبلىستىڭ 4 كوللەدجى جەڭىمپاز اتاندى. بۇل كوللەدجدەردىڭ ارقايسىسى 57 ملن. تەڭگە كولەمىندە گرانت يەلەنىپ, ول قارجىنىڭ 70 پايىزى وقۋ ورىندارىنىڭ ماتەريالدىق-تەحنيكالىق بازاسىن نىعايتۋعا, 30 پايىزى تەوريالىق وقىتۋعا جۇمسالماق. وسى قارجى ەسەبىنەن ارنايى ءپان وقىتۋشىلارى, وندىرىستىك وقۋ شەبەرلەرى بىلىكتىلىكتى كوتەرۋ كۋرستارىن شەتەلدەردە وتەتىن بولادى.
سوڭعى جىلدارى مەملەكەتتىك تاپسىرىس كولەمى ءوسىپ كەلەدى. 2012-2013 وقۋ جىلىندا تەحنيكالىق جانە كاسىپتىك ءبىلىمدى كادرلارعا قاجەتتىلىك 5856 ورىندى قۇراپ, 4229 مەملەكەتتىك تاپسىرىس ءبولىنسە, 2013-2014 وقۋ جىلىندا تەحنيكالىق جانە كاسىپتىك ءبىلىمدى كادرلارعا قاجەتتىلىك 5666 ورىندى قۇراپ, 4730 مەملەكەتتىك تاپسىرىس ءبولىندى. ياعني, الدىڭعى وقۋ جىلىمەن سالىستىرعاندا مەملەكەتتىك تاپسىرىس كولەمى 501-گە ارتتى دەگەن ءسوز. 2013 جىلى 6729 بىلىمگەردىڭ 4791-ءى, ياعني 71,2 پايىزى جۇمىسپەن قامتىلدى.
وبلىستاعى تەحنيكالىق-كاسىپتىك ءبىلىم مەكەمەلەرىندە 2742 پەداگوگ قىزمەت ىستەيدى. سوڭعى 4 جىلدا پەداگوگتاردىڭ بىلىكتىلىگىن ارتتىرۋ ماقساتىندا 96 وقىتۋشى شەت مەملەكەتتەردە بىلىكتىلىكتەرىن ارتتىرىپ, تاجىريبە الماستى. بىلىكتى مامان دايارلاۋ – تەحنيكالىق-كاسىپتىك ءبىلىم مەكەمەلەرىن قارجىلاندىرۋعا, ونىڭ ماتەريالدىق-تەحنيكالىق بازاسىن جاقسارتۋعا تىكەلەي بايلانىستى. تەحنيكالىق-كاسىپتىك ءبىلىم مەكەمەلەرىن ۇستاۋعا سوڭعى 4 جىلدا 15 ملرد. 244 ملن.تەڭگە ءبولىندى. كوللەدجدەر قۇرىلىسىنا 2012 جىلدان باستاپ بۇگىنگى كۇنگە دەيىن 2,7 ملرد. تەڭگە ءبولىنىپ, قاراتاۋ گۋمانيتارلىق-تەحنيكالىق كوللەدجىنىڭ باس كورپۋسىنا قوسىمشا عيمارات, تاراز قالاسىنداعى №12 كاسىپتىك كوللەدجگە وقۋ-جاتىن كورپۋسى سالىنىپ پايدالانۋعا بەرىلسە, جىل سوڭىنا دەيىن تاراز قالاسى «اراي» الابىندا جاڭا كوللەدج عيماراتى پايدالانۋعا بەرىلمەك.
تەحنيكالىق-كاسىپتىك ءبىلىم مەكەمەلەرىنىڭ وقۋ-وندىرىستىك شەبەرحانالارىن, زەرتحانالارىن, ارنايى وقۋ كابينەتتەرىن جاڭارتۋ ماقساتىندا سوڭعى 4 جىلدا 874,9 ملن. تەڭگە ءبولىندى. بىلىمگەرلەردى جاتاقحانامەن قامتاماسىز ەتۋ – بىلىكتى مامان دايارلاۋعا جاسالعان جاعداي دەسەك, وبلىستاعى 22 كوللەدجدە 1387 بىلىمگەر جاتاقحانامەن قامتاماسىز ەتىلگەن. سوڭعى 4 جىلدا 3 كوللەدجدە 586 ورىندىق جاتاقحانا اشىلسا, 2016 جىلعا دەيىن تاعى 3 كوللەدج جانىنان 400 ورىندىق جاتاقحانانى ىسكە قوسۋ جوسپارلانىپ وتىر.
سۇلۋشاش قۇرمانبەكوۆا,
جامبىل وبلىستىق ءبىلىم باسقارماسىنىڭ باسشىسى.
تاراز.