نورۆەگيا فۋتبول قۇراماسى بيىلعى الەم چەمپيوناتىندا يراكتى 4:1 ەسەبىمەن ۇتىپ, العاشقى ءۇش ۇپايىنا قول جەتكىزدى. كەزدەسۋدىڭ باستى كەيىپكەرى – دۋبل جاساعان شابۋىلشى ەرلينگ حولاند بولدى. سونداي-اق لەو ەستيگور مەن كريستيان تورستۆەدت مەرگەندىگىمەن كوزگە ءتۇستى, دەپ حابارلايدى Egemen.kz.
نورۆەگيالىقتار ماتچتى بەلسەندى باستاپ, قارسىلاس قاقپاسىنا ءجيى قاۋىپ ءتوندىردى. بۇل ارەكەت 29-مينۋتتا ناتيجە بەردى. انتونيو نۋسا مەن الەكساندەر سيورلوت ۇيىمداستىرعان شابۋىلدى ەرلينگ حولاند ءساتتى اياقتاپ, ەسەپ اشتى.
الايدا يراك قۇراماسى كوپ كۇتتىرمەي جاۋاپ قاتتى. 40-مينۋتتا ايمەن حۋسسەين ايىپ الاڭىنداعى تارتىستا جەڭىسكە جەتىپ, دوپتى قاقپانىڭ جوعارعى بۇرىشىنا ءدال باعىتتاپ, تارازى باسىن تەڭەستىردى.
ءۇش مينۋتتان كەيىن ەرلينگ حولاند تاعى دا كوزگە ءتۇستى. يراك قورعاۋشىلارىنىڭ قاتەلىگىنەن كەيىن دوپ شابۋىلشىعا ءتيىپ, قاقپاعا ەندى. وسى گولدىڭ ارقاسىندا نورۆەگيا ءبىرىنشى تايمدى باسىمدىقپەن اياقتادى.
فۋتبولدان الەم چەمپيوناتى-2026: ويىنداردىڭ تولىق كەستەسى مەن ۋاقىتى بەلگىلى بولدى
ۇزىلىستەن كەيىن يراك ەسەپتى تەڭەستىرۋگە تىرىسقانىمەن, ماقساتىنا جەتە المادى. 76-مينۋتتا باپكەرلەر شتابى جاساعان اۋىستىرۋ ەسەپتى ەسەلەي ءتۇستى. مارتين ەدەگور بۇرىشتامادان دوپ اسىرسا, لەو ەستيگور باسپەن سوعىپ, ەسەپتى 3:1-گە جەتكىزدى.
ماتچ سوڭىندا, قوسىمشا ۋاقىتتىڭ 90+7-مينۋتىندا كريستيان تورستۆەدت ناتيجەلى شابۋىلدى تۇيىندەپ, قورىتىندى ەسەپتى 4:1 ەتىپ بەلگىلەدى.
وسى جەڭىستىڭ ارقاسىندا نورۆەگيا العاشقى ءۇش ۇپايىن ەنشىلەپ, توپتاعى كوشباسشىلار قاتارىنا شىقتى.
الەم چەمپيوناتى: يران مەن جاڭا زەلانديا تەڭ ءتۇستى
بۇعان دەيىن بەلگيا مەن ەگيپەت قۇراماسى اراسىنداعى ويىن 1:1 ەسەبىمەن اياقتالدى. وسىلايشا, G توبىنداعى ءتورت قۇراما دا العاشقى تۋردان كەيىن ءبىر-ءبىر ۇپايدان ەنشىلەدى.