تايلاندتىڭ پحەتچابۋن پروۆينتسياسىندا جەرگىلىكتى تۋريست بيىكتە ورنالاسقان تاماشالاۋ الاڭىنان قۇلاپ, بانان جاپىراقتارى مەن قالىڭ ءشوپتىڭ ارقاسىندا امان قالدى, دەپ حابارلايدى Egemen.kz The Thaiger باسىلىمىنا سىلتەمە جاساپ.
بۇل جاعداي پحۋ تحاپ بۋرك ساياباعىنىڭ تاماشالاۋ الاڭىندا بولعان. جەرگىلىكتى ساياحاتشى جانىندا تۇرعان جاسوسپىرىمگە كوركەم فوندا سۋرەتكە ءتۇسىرۋىن وتىنگەن. ەر ادام لايىقتى جەردى ىزدەپ جۇرگەندە اياعى تايىپ كەتىپ, 70 مەتر بيىكتەگى جارتاستان قۇلاعان.
كۋاگەرلەر دەرەۋ قۇتقارۋشىلارعا حابارلاعان. بۇل ايماقتا قوزعالۋ قيىن بولعانىنا قاراماستان, جەدەل ارەكەت ەتۋ ماماندارى ەر ادامنىڭ قۇلاعان جەرىنە تەز جەتكەن. ولار تۋريست ەشبىر اۋىر جاراقات الماعانىن كورگەندە تاڭعالعانىن جاسىرمادى. بولجاممەن ەر ادامدى بانان جاپىراقتارى مەن قالىڭ ءشوپ امان الىپ قالعان. زارداپ شەككەن ادامعا العاشقى كومەك كورسەتىلىپ, اۋرۋحانا جەتكىزىلگەن.