ۇلتتىق ۆولونتەرلەر جەلىسى تۇركياعا كومەك جىبەرۋدى جالعاستىرىپ جاتىر, دەپ حابارلايدى Egemen.kz اقدم ءباسپاسوز قىزمەتىنە سىلتەمە جاساپ.
بۇگىن ۇلتتىق ۆولونتەرلەر جەلىسى قازاقستانداعى تۇركيا ەلشىلىگى ارقىلى 8 توننانى قۇراعان گۋمانتيرلىق كومەكتى تۇركيا رەسپۋبليكاسىنا جولدادى.سونداي-اق ۇلتتىق ۆولونتەرلەر جەلىسىنىڭ ەسەپشوتىنا 100 ملن تەڭگەدەن استام قارجى جينالدى.وڭىرلەر بويىنشا 660 توننا گۋمانيتارلىق كومەك جينالىپ (الماتى قالاسى 50 ت., الماتى وبلىسى 68 ت., اقتوبە وبلىسى 11 ت., قىزىلوردا وبلىسى 3 ت., تۇركىستان وبلىسى 25 ت., شىمكەنت 50 ت., جامبىل وبلىسى 400 ت., پاۆلودار 7 ت., شقو 10 ت., قالعان وڭىرلەر 30 ت. استام), ونىڭ 500 تونناسى تۇركياعا جىبەرىلگەن.بۇعان قوسا قازاقستان ازاماتتارى تۇركياعا 150-گە جۋىق كيىز ءۇي جونەلتتى.ەتنومادەني ورتالىقتار دا ۇلەس قوسىپ, 125 ملن تەڭگە جيناپ بەردى. ەتنومادەني بىرلەستىكتەردىڭ قولداۋىمەن 54 ملن 448 مىڭ تەڭگەنى قۇرايتىن تۇرمىسقا قاجەتتى زاتتار تۇركيا رەسپۋبليكاسىنا جولداندى. باۋىرلاس مەملەكەتتە بولعان قايعىلى وقيعاعا بايلانىستى حالىق جۇمىلىپ, بلوگەرلەر, كاسىپكەرلەر, ۆولونتەرلەر, قوعام قايراتكەرلەرى, جۋرناليستەر مەن بەلسەندى ازاماتتار ءوز ۇلەسىن قوسىپ جاتىر.ماسەلەن, قازاقستانداعى تۇركيا ەلشىلىگى AFAD قورىنا قازاقستاندىقتار جيناعان 3 ملن اقش دوللارىنا جۋىق قارجى تۇسكەنىن حابارلادى.