سولتۇستىك كورەيا جاپون تەڭىزىنە قاراي تاعى ەكى بالليستيكالىق زىمىران ۇشىردى. كحدر ءسىم مالىمدەگەندەي, پحەنيان اقش پەن ونىڭ وداقتاستارىنىڭ كورەي تۇبەگى ايماعىنداعى ارەكەتتەرىنە بايلانىستى ءوز قاۋىپسىزدىگىن قامتاماسىز ەتۋ ءۇشىن قاجەتتى شارالاردى وتكىزۋدە, دەپ حابارلايدى Egemen.kz euronews سايتىنا سىلتەمە جاساپ
بۇۇ قاۋىپسىزدىك كەڭەسىنىڭ شۇعىل وتىرىسىندا اقش-تىڭ تۇراقتى وكىلى ليندا توماس-گرينفيلد پحەنيانعا قارسى سانكتسيا رەجيمىن كۇشەيتۋگە شاقىردى.
ء«بىز بۇۇ-عا مۇشە بارلىق مەملەكەتتەردى, اسىرەسە قاۋىپسىزدىك كەڭەسىنىڭ مۇشەلەرىن وسى تەرىس ىستەردى دوعارۋعا جانە كحدر-ءدى زاڭسىز قارۋ-جاراق باعدارلامالارىنان تولىق, تەكسەرىلەتىن جانە قايتىمسىز تۇردە باس تارتۋعا ديپلوماتيانى يادرولىق قارۋدان ارىلتۋ باعىتىندا پايدالانۋعا شاقىرامىز», دەپ مالىمدەدى ول.
وسىنداي مالىمدەمەلەرگە قاراماستان وتىرىس ناتيجەسىز اياقتالدى.
جۋىردا سولتۇستىك كورەيا باسشىسىنىڭ قارىنداسى كيم يو چجون مالىمدەمە جاساپ, كحدر اقش قيمىلىنا قارسى جاۋاپ رەتىندە تىنىق مۇحيتىن پوليگون رەتىندە قولداناتىنىن ايتقان. ول كورەيا تۇبەگى ايماعىنداعى اقش ستراتەگيالىق قارۋ-جاراعىن ەل اسكەرى مۇقيات اڭدىپ وتىرعانىن حابارلاپ, ەل قاۋىپسىزدىگىنە تىكەلەي نەمەسە جاناما قاۋىپ تونسە, دەرەۋ جاۋاپ بەرەمىز دەپ ەسكەرتۋ جاساعان ەدى.