ءوزارا سەنىمگە نەگىزدەلگەن جاقىن قارىم-قاتىناس كورىنىسى

ساداعاڭ كەتەيىن, اينالايىن حالقىم! سەنىڭ مۇددەڭ جولىندا بويداعى قۋات, ويداعى ءناردىڭ ءبارىن سارپ ەتۋگە بەيىلمىن.

نۇرسۇلتان نازارباەۆ.

مەملەكەت باسشىسى نۇرسۇلتان نازارباەۆ ەلىمىزگە جۇمىس ساپارىمەن كەلگەن يوردانيا كورولى ابداللا II-مەن كەزدەستى, دەپ حابارلادى پرەزيدەنتتىڭ ءباسپاسوز قىزمەتى. كەزدەسۋ بارىسىندا ساۋدا-ەكو­نوميكالىق, ينۆەستيتسيالىق, عىلىمي-تەحنيكالىق جانە مادە­ني-گۋمانيتارلىق سالالارداعى ەكىجاقتى ىنتىماقتاستىقتى ودان ءارى دامىتۋ  پەرسپەكتيۆالارى تالقىلاندى. نۇرسۇلتان نازارباەۆ پەن ابداللا II كۇن تارتىبىندەگى حالىقارالىق وزەكتى ماسەلەلەر جونىندە دە پىكىر الماستى. قازاقستان پرەزيدەنتى ەكى ەل جانە ولاردىڭ باسشىلارى اراسىندا ءوزارا سەنىمگە نەگىز­دەلگەن جاقىن قارىم-قاتىناس قالىپتاسقانىن ايتتى. بۇل رەتتە ول يوردانيانىڭ  جالپى تاياۋ شىعىستا ماڭىزدى ءرول اتقا­راتىنىن اتاپ ءوتتى. ابداللا II قازاقستانعا كەلۋگە شاقىرتۋى ءۇشىن العىسىن ايتتى, سونداي-اق, ەلىمىزدىڭ كوپ جىلدار بويعى, سونىڭ ىشىندە سيريالىق بوسقىندار ماسەلەسى بويىنشا كورسەتكەن قولداۋى ءۇشىن نۇرسۇلتان نازارباەۆقا يوردانيا حالقى اتىنان ريزاشىلىعىن ءبىلدىردى. ەكى مەملەكەت باسشىلارى ءوزارا ىقپالداستىقتىڭ الەۋەتىن جۇزەگە اسىرۋدىڭ ماڭىزدىلىعىن اتاپ ءوتىپ, وسى باعىتتا باسىم­دىعى بار بىرقاتار شارالاردى قاراستىردى.