تۇركيانىڭ توتەنشە جاعدايلار اگەنتتىگى بىرقاتار پروۆينتسيادا قۇتقارۋ جۇمىستارى توقتاتىلعانىن مالىمدەدى, دەپ حابارلايدى Egemen.kz.
توتەنشە جاعدايلار اگەنتتىگى باسشىسىنىڭ ايتۋىنشا, قۇتقارۋ جۇمىستارى كاحرامانماراش پەن حاتايدا ءالى دە جالعاسىپ جاتىر.
الايدا ەندى ادامداردىڭ ءۇيىندىنىڭ استىنان امان تابىلۋى ەكىتالاي. ول قازا تاپقانداردىڭ سانى ءالى وسەتىنىن ايتتى.
6 اقپاندا بولعان 7,8 بالدىق جەر سىلكىنىسىنىڭ ەپيتسەنترى كاحرامانماراش قالاسىندا بولدى. تۇركيانىڭ وڭتۇستىك-شىعىسىندا جانە سيريانىڭ سولتۇستىگىندە 44 مىڭنان استام ادام قايتىس بولعانى راستالدى.