تۇركيانىڭ كاحرامانماراش پروۆينتسياسىندا بولعان ەكى جەر سىلكىنىسىنەن كوز جۇمعاندار سانى 40 642 ادامعا جەتتى, دەپ حابارلايدى Egemen.kz انادولى اگەنتتىگىنە سىلتەمە جاساپ.
بۇل تۋرالى تۇركيا ۇكىمەتى جانىنداعى تابيعي اپاتتارمەن جانە توتەنشە جاعدايلارمەن كۇرەس دەپارتامەنتىنىڭ (AFAD) باسشىسى يۋنۋس سەزەر مالىمدەدى.
ونىڭ ايتۋىنشا, اپات ايماعىنداعى ىزدەستىرۋ-قۇتقارۋ جۇمىستارى بۇگىن, 19 اقپاندا اياقتالادى.
«قازىر ىزدەۋ-قۇتقارۋ جۇمىستارىنا 13 مىڭعا جۋىق ادام قاتىسۋدا. شەتەلدەن كومەككە كەلگەندەرگە شىن جۇرەكتەن العىس ايتامىن. 80 ەلدەن كەلگەن قۇتقارۋشىلاردىڭ ءبىر بولىگى وتانىنا ورالدى», دەدى AFAD باسشىسى.