مەحمەت الي شاكيروگلۋ مەن مۇستافا اۆچي جەر سىلكىنىسىنەن 261 ساعات وتكەن سوڭ انتاكيانىڭ وداباشي اۋدانىنداعى قيراندىلار استىنان قۇتقارىلدى, دەپ حابارلايدى Egemen.kz Anadolu اگەنتتىگىنە سىلتەمە جاساپ.
انتاكياداعى وداباشي كوشەسىندەگى ۇيىندىلەردى تازالاعان قۇتقارۋ توبى قيراعان ءۇيدىڭ قابىرعالارىنىڭ اراسىنان ەكى ازاماتتى قۇتقاردى. ولارعا العاشقى مەديتسينالىق كومەك كورسەتىلىپ, اۋرۋحاناعا جەتكىزىلدى.
6 اقپاندا ەپيتسەنترى كاحرامانماراشتا ماگنيتۋداسى 7 بالدان اساتىن ەكى جەر سىلكىنىسى بولدى. ءزىلزالا ەلدىڭ 10 پروۆينتسياسىندا, سونداي-اق كورشىلەس مەملەكەتتەردە, سونىڭ ىشىندە سيريادا دا سەزىلدى.
پرەزيدەنت رەجەپ تايىپ ەردوعان تابيعي اپات قۇرباندارىنا بايلانىستى تۇركيادا جەتى كۇندىك ۇلتتىق ازا تۇتۋ جاريالادى.
تۇركيانىڭ وڭتۇستىك-شىعىسىندا بولعان جويقىن جەر سىلكىنىسىنەن قازا تاپقاندار سانى 36,1 مىڭنان استى.