تۇركيادا 6 اقپان كۇنى اۋىر شىعىنعا ۇشىراتقان جەر سىلكىنىسى بولدى. قايعىلى وقيعا كەزىندە الەم ەلدەرى قول ۇشىن سوزىپ, كومەككە كەلدى. قازىرگى كەزدە قۇتقارۋ جۇمىستارى تولىق اياقتالعان جوق. دەگەنمەن بۇكىل الەم بىرىگىپ قيىندىقتىڭ كوبىن ەڭسەردى, دەپ حابارلايدى Egemen.kz.
ءزىلزالادان كەيىن 75 ەلدىڭ ىزدەۋ-قۇتقارۋ توپتارى تۇركياعا كومەككە كەلگەن بولاتىن. ونىڭ ىشىندە قازاقستان دا بار. ون كۇننىڭ ىشىندە كەيبىر ەلدەردىڭ كوماندالارى ءوز ميسسياسىن اياقتاپ, ەلىنە قايتىپ جاتىر. تۇرىكتەر قۇتقارۋشىلاردى قول ۇشىن سوزعانى ءۇشىن العىس ايتىپ, قۇرمەت-قوشەمەتپەن شىعارىپ سالدى.
ال قازاقستاننان بارعان قۇتقارۋ توپتارى ىزدەۋ-قۇتقارۋ جانە مەديتسينالىق كومەك كورسەتۋ جۇمىستارىن ءالى جالعاستىرادى.