اۋىل شارۋاشىلىعى ۆيتسە-ءمينيسترى تاعايىندالدى

ەربول تاسجۇرەكوۆ 1979 جىلى تاراز قالاسىندا دۇنيەگە كەلگەن.

م.ح. دۋلاتي اتىنداعى تاراز مەملەكەتتىك ۋنيۆەرسيتەتىن, ح.ا. ياساۋي اتىنداعى مەملەكەتتىك حالىقارالىق قازاق-تۇرىك ۋنيۆەرسيتەتىن, قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىن, فرانتسيانىڭ ۇلتتىق اكىمشىلىك مەكتەبىن بىتىرگەن.

ەڭبەك جولىن 1998 جىلى جەكە مەنشىك كومپانيادا مەنەدجەر بولىپ باستاعان. ءار جىلدارى جەكە كوممەرتسيالىق قۇرىلىمداردا جۇمىس ىستەدى.

2007-2013 جج. استانا قالاسى الماتى اۋداندىق سوتىندا قىزمەت ەتتى.

2013-2014 جج. – وڭىرلىك دامۋ مينيسترلىگى كاسىپكەرلىكتى دامىتۋ ساياساتى دەپارتامەنتى كاسىپكەرلىك قىزمەتتى نورماتيۆتىك-قۇقىقتىق رەتتەۋدى جەتىلدىرۋ باسقارماسىنىڭ باسشىسى; وڭىرلەرگە مونيتورينگ جۇرگىزۋ جانە باعالاۋ دەپارتامەنتى وڭىرلەرگە مونيتورينگ جۇرگىزۋ جانە باعالاۋ باسقارماسىنىڭ باسشىسى.

2014-2016 جج. – ۇلتتىق ەكونوميكا مينيسترلىگى وڭىرارالىق ىنتىماقتاستىق, وڭىرلەردى تالداۋ جانە باعالاۋ دەپارتامەنتى ديرەكتورىنىڭ ورىنباسارى; وڭىرلىك ساياسات, وڭىرلەردى تالداۋ جانە باعالاۋ دەپارتامەنتى ديرەكتورىنىڭ ورىنباسارى. 

2016-2018 جج. – ينۆەستيتسيالار جانە دامۋ مينيسترلىگى ينۆەستيتسيالار كوميتەتى توراعاسىنىڭ ورىنباسارى.

2018 جىلى وڭتۇستىك قازاقستان وبلىسى اكىمىنىڭ ورىنباسارى.

2018-2019 جىلدارى – تۇركىستان وبلىسى اكىمىنىڭ ورىنباسارى.

2019 جىلعى ساۋىردەن 2021 جىلعى ماۋسىمعا دەيىن «قازاگرو» ۇلتتىق باسقارۋشى حولدينگى» اق باسقارۋشى ديرەكتورى – باسقارما مۇشەسى بولدى.