قما قوستاناي وبلىسى بويىنشا دەپارتامەنتىمەن «KZobmen.com», «KZobmen Ltd» كريپتو ايىرباستاۋ پۋنكتتەرى ارقىلى تسيفرلى اكتيۆتەرمەن تىيىم سالىنعان كاسىپكەرلىك قىزمەتتى جۇزەگە اسىرۋدىڭ تاعى ءبىر فاكتىسىنىڭ جولى كەسىلدى, دەپ حابارلايدى Egemen.kz.
«رەسەي فەدەراتسياسىنىڭ ازاماتى 2020 جىلدىڭ شىلدەسى مەن 2023 جىلدىڭ قاڭتارى ارالىعىندا زاڭسىز ارەكەتتەرىنىڭ ناتيجەسىندە اسا ءىرى كولەمدە 180 ميلليون تەڭگەدەن استام سوماعا تابىس تاپقانى انىقتالدى. سوت ۇكىمدەرى بويىنشا كۇدىكتىنىڭ 85 ميلليون تەڭگە كولەمىندەگى جىلجىمايتىن مۇلكى, ونىڭ ىشىندە «Binance» كريپتوبيرجاسىنىڭ پلاتفورماسىندا ورنالاستىرىلعان تسيفرلىق اكتيۆتەرى (كريپتوۆاليۋتا) تاركىلەندى», دەپ جازىلعان قما حابارلاماسىندا.
قۇقىق بۇزۋشى بەس زاڭسىز كريپتوۆاليۋتا ايىرباستاۋ پۋنكتىنە قاتىستى قىلمىستىق ءىستى تەرگەۋ بارىسىندا انىقتالدى, ءىس اياسىندا كريپتوۆاليۋتا ايىرباستاۋ پۋنكتتەرى ارقىلى تسيفرلىق اكتيۆتەرمەن تىيىم سالىنعان كاسىپكەرلىك قىزمەتپەن اينالىسقان ءبىر توپ تۇلعالاردىڭ قىلمىستىق ارەكەتتەرىنىڭ جولى كەسىلدى.
سوتقا دەيىنگى تەرگەۋ جالعاسۋدا, باسقا دا مالىمەتتەر اشىپ كورسەتۋگە جاتپايدى.