بيىلعى 1 اقپانداعى جاعداي بويىنشا 2021 – 2025 جىلدارعا ارنالعان كاسىپكەرلىكتى دامىتۋ جونىندەگى ۇلتتىق جوباعا 68,2 مىڭ ادام قاتىسىپ, 55,9 مىڭ ادام جۇمىسقا ورنالاسقان. ونىڭ 17,3 مىڭى تۇراقتى جۇمىس تاپقان, دەپ حابارلايدى Egemen.kz.
سۋبسيديالاناتىن جۇمىس ورىندارىنا 38,7 مىڭ ادام ورنالاستىرىلعان. ونىڭ ىشىندە الەۋمەتتىك جۇمىس ورىندارىمەن 2,4 مىڭ, جاستار پراكتيكاسىمەن 1,3 مىڭ, قوعامدىق جۇمىستارمەن 33,4 مىڭ ادام, «العاشقى جۇمىس ورنى» جوباسى اياسىندا 365 ادام, «ۇرپاقتار كەلىسىمشارتى» جوباسى اياسىندا 17 ادام, «كۇمىس جاس» جوباسى اياسىندا 670 ادام جۇمىسپەن قامتىلعان.
ەڭبەك نارىعىندا سۇرانىسقا يە داعدىلار بويىنشا ونلاين وقىتۋمەن 2 مىڭ جۇمىسسىز قامتىلىپ, ونىڭ ىشىندە 1,7 مىڭى وقۋدى اياقتاعان.
سونداي-اق «باستاۋ بيزنەس» جوباسى بويىنشا كاسىپكەرلىك نەگىزدەرىنە وقىتۋ 10,3 مىڭ ادامدى قامتىدى, ونىڭ ىشىندە 7 مىڭ ادام سەرتيفيكات العان.
سونىمەن قاتار قىزمەت سالاسىن تاڭداۋ ماقساتىندا 10,4 مىڭ ادام الەۋمەتتىك كاسىپتىك باعدارلاۋدان وتكەن.