بۇگىن استاناداعى ۇلتتىق اكادەميالىق كىتاپحاناعا قالامگەرلەر مەن وقىرماندار قاۋىمى جينالدى. ولار «اۋىلعا كىتاپ» اكتسياسىنا بەلسەنە قاتىسىپ, وزدەرىنىڭ جەكە كىتاپحاناسىنداعى كىتاپتارى مەن اۆتورلىق ەڭبەكتەرىن كىتاپحانا ۇجىمىنا تاپسىردى, دەپ حابارلايدى Egemen.kz.
كىتاپحانا قىزمەتكەرلەرى اۆتورلارمەن كەلىسىپ, ءتۇرلى جانردا جازىلعان تۋىندىلاردى جيناقتادى. جينالعان كىتاپتار ەلدى مەكەندەرگە جونەلتىلەدى. العاشقى كىتاپ قورى تۇركىستان وبلىسىنداعى كىتاپحانالارعا تاپسىرىلادى.
ءىس-شارا حالىق اراسىندا كىتاپ وقۋ مادەنيەتىن ناسيحاتتاپ, قازاق تىلىندەگى تۋىندىلارعا دەگەن سۇرانىستى ارتتىرۋ ءۇشىن ۇيىمداستىرىلدى.