مەملەكەتتىك قىزمەتكە قىزىعۋشىلىق باسەڭدەدى مە؟

سونداي-اق وبلىستا مەم­لەكەتتىك قىزمەتتە جۇر­گەن ايەلدەردىڭ دە سانى از. رەس­پۋب­ليكادا بۇل كورسەت­كىش 56 پا­­يىز بولسا, تۇركىستان وبلىسىندا 27 پايىز عانا. وسىنداي دەرەكتەر كەلتىرگەن مەملەكەتتىك قىزمەت ىستەرى اگەنتتىگىنىڭ تۇر­كىستان وبلىسى بويىنشا دەپارتامەنت باسشىسى وركەن بالاجانوۆ بري­فينگتە مەملەكەت باسشى­سىنىڭ مەم­لەكەتتىك قىزمەتكە ورنالاسۋ­دا ارتىق كەدەرگىلەردى جويۋ جانە مەملەكەتتىك قىز­مەت­تەن شىعۋ ءتارتىبىن جەڭىل­دەتۋ تۋرالى تاپسىرماسىنا سايكەس ءتيىستى زاڭعا تۇزەتۋ­لەر ەنگىزىلگەنىن اتاپ ءوتتى. «مەم­لەكەتتىك قىزمەت ءاردايىم جاڭارىپ وتىرادى. ءبىر ادامدار دەنساۋلىعىنا بايلانىس­تى كەتىپ جاتادى, زەينەتكە شىعاتىندار بار. سول ورىنداردى تولتىرۋ كەزىندە مىن­دەتتى تۇردە جاستاردى الۋ كەرەك. بىلىكتى ماماندارعا ءاردا­يىم سۇرانىس بولادى.

جالپى, تۇركىستان وبلى­سىن­دا مەملەكەتتىك قىز­مەتكە كەلۋشىلەر سانى از. دەگەن­مەن وتكەن جىلى كونكۋرسقا قاتى­سۋشىلاردىڭ سانى ارت­قان. ماسەلەن, 2021 جىلى وت­كى­زىلگەن كونكۋرستاردا 1 ورىن­عا 3 ادامنان كەلسە, 2022 جىلى بۇل كورسەتكىش 4 بول­عان. دەگەنمەن, ءبارىبىر جالپى كورسەتكىش تومەن», دەدى ور­كەن بالاجانوۆ. بۇل ورايدا زاڭعا ەنگىزىلگەن وزگەرىستەر وڭ سەپتىگىن تيگىزبەك. بىرىنشىدەن, مەملەكەتتىك گرانتپەن وقۋ ورىندارىن ۇزدىك بىتىرگەن تۇلەكتەر اۋدان مەن اۋىلدا تومەنگى لاۋازىمدارعا كونكۋرستىق ىرىكتەۋسىز تىكەلەي تاعايىندالادى. بۇل بىلىكتى جاس­تاردى مەملەكەتتىك قىز­مەتكە ىنتالاندىرۋعا, جاس مامانداردىڭ اۋدان مەن اۋىلدىق ايماقتارعا ورالۋىنا, سونىمەن قاتار وڭىرلەردەگى كادر تاپشىلىعىن ازايتۋعا سەپتىگىن تيگىزىپ, مەملەكەتتىك قىزمەتكە كىرۋدى جەڭىلدەتەدى. ەكىنشىدەن, «ب» كورپۋسىنىڭ جوعارى لاۋازىمدارىنا ۋاكى­لەتتى ورگاننىڭ كەلىسى­مىمەن كونكۋرستىق ىرىكتەۋسىز تىكەلەي تاعايىنداۋ مۇمكىن­دىگى بە­رىلىپ وتىر. بۇل ءبىرىنشى باس­شىلاردىڭ ءوز قىزمەت­شى­لەرى ءۇشىن جاۋاپكەرشىلىگىن ارت­تىرادى. پرەزيدەنت جانىن­داعى مەملەكەتتىك باس­قارۋ اكادەمياسىنىڭ جوعارى ۇلگەرىمىن كورسەتكەن تۇلەك­تەرى وقۋدى بىتىرگەننەن كەيىن ءبىر جىل ىشىندە ەلوردانى قوس­پاعاندا, جەرگىلىكتى ورگان­دارعا جەكەلەگەن لاۋازىم­دارعا كونكۋرستىق ىرىكتەۋسىز تاعايىنداۋ قاراستىرىلدى.

سونداي-اق بريفينگتە دەپارتامەنت باسشىسى مەم­لەكەتتىك قىزمەت سالاسىنداعى باقىلاۋ جۇمىستارىنا, انىق­تالعان قۇقىق بۇزۋشى­لىق­تارعا توقتالدى. «دەپار­تا­مەنتپەن وتكەن جىلى مەم­لە­كەتتىك ورگانداردا مەم­لەكەت­تىك قىزمەت تۋرالى زاڭ­نامانىڭ ساقتالۋىنا قاتىستى 54 باقىلاۋ ءىس-شاراسى جۇر­گىزىلىپ, ناتيجەسىندە 1 846 بۇزۋشىلىق انىقتالعان. بۇزۋشىلىقتاردىڭ باسىم بولىگى لاۋازىمدىق وكىلەت­تىكتەرىن نۇسقاۋلىق­تاردى جاساۋ جانە بەكىتۋ ءتارتىبىن قامتاماسىز ەتۋ, مەملەكەتتىك قىزمەتشىلەردىڭ قىزمەتتىك تىزىمدەرىن راسىمدەۋ, سون­داي-اق «ب» كورپۋسىنىڭ مەملە­كەتتىك قىزمەتشىلەرىنىڭ بوس لاۋاز­ىم­دارىنا كونكۋرس وتكىزۋ قاعي­دالارىن بۇزۋ, قىزمەت­تەرىن باعالاۋدى جۇرگىزۋدى قامتاماسىز ەتۋ, تارتىپتىك جازا قولدانۋ قاعيدالارىن ساق­تاماۋ جانە قىزمەتتىك ءىسسا­پارلار شىعىستارى وتەلۋ تالاپتارىن ساقتاۋدى قامتا­ما­سىز ەتۋ دەرەكتەرى بويىن­شا ورىن العان. تەكسەرۋ ناتي­جەسىمەن مەملەكەتتىك ورگان­دارعا 34 ۇيعارىم ەنگىزىلىپ, 15 تۇلعا ءتۇرلى تارتىپتىك جاۋاپ­كەرشىلىككە تارتىلدى», دەدى ءو.بالاجانوۆ.

وتكەن جىلى ادەپ جو­نىن­دەگى كەڭەس وتىرىسىندا قارالعان تارتىپتىك ىستەر الدىڭعى جىلمەن سالىستىر­عاندا 34 پايىزعا ازايعان. بۇدان بولەك, مەملەكەت­تىك قىز­مەت­شىلەردىڭ ادەپ كودەكسى­نىڭ تالاپتارىن بۇزۋ دەرەكتەرى ازايعان. دەپار­تا­مەنتتىڭ مەملەكەتتىك كورسە­تىلەتىن قىزمەتتەر ساپاسىنا قاتىستى جۇرگىزگەن 33 باقىلاۋ جۇمىستارىنىڭ ناتيجەسىندە 2 511 ءتارتىپ بۇزۋشىلىق انىقتالسا, ونىڭ 1 121-ءى جەرگىلىكتى اتقارۋشى ورگاندارعا قاتىستى. وسى رەتتە دەپارتامەنتتىڭ ۇسى­نى­سىمەن مەملەكەتتىك ورگان­داردىڭ 47 قىزمەتكەرى تار­تىپتىك جاۋاپكەرشىلىككە تارتىلدى.

«وبلىستا مەملەكەتتىك قىزمەتشىلەردىڭ تارتىپتىك جاۋاپكەرشىلىككە تارتىلۋ جاعدايلارى ازايىپ كەلەدى. ماسەلەن, 2021 جىلى 1 915 مەم­لەكەتتىك قىزمەتشى تارتىپ­تىك جاۋاپكەرشىلىككە تار­تىلسا, 2022 جىلى بۇل كور­سەت­­كىش 1 842 بولىپ وتىر. ونىڭ ىشىندە ادەپ كودەكسى­نىڭ نورمالارىن بۇزۋ جايى دا ءبىرشاما تومەندەگەن. بۇل دا پروفيلاكتيكالىق جۇمىس­تاردىڭ كوبىرەك جۇرگىزىل­گەن­دىگى­نىڭ ناتيجەسى دەپ بىلەمىز. ال­داعى ۋاقىتتا بۇل با­عىت­تاعى جۇمىستاردى جالعاس­تى­را­­مىز», دەدى وركەن بالاجانوۆ.

تارتىپتىك جاۋاپكەرشى­لىككە تارتىلعان مەملەكەتتىك قىزمەتكەرلەر اراسىندا جەتى­ساي اۋدانى كوش باستاپ تۇر. شاردارا اۋدانى مەن تۇر­كىستان قالاسىندا دا ءتا­رتىپ بۇزعان مەملەكەتتىك قىزمەت­شىلەر كوپ.

تۇركىستان وبلىسى