قونىس اۋدارۋشىلارعا – كەڭ قولداۋ

ەڭبەك جانە حالىقتى الەۋ­مەت­تىك قورعاۋ مينيسترلىگىنىڭ حا­بار­ل­اۋىنشا, ۇلتتىق جوبا ايا­سىندا قونىس اۋدارۋشىلارعا مەم­­لەكەتتىك قولداۋ شارالارى ۇسىنىلادى. اتاپ ايتقاندا, ءبىر مەزگىلدە وتاعاسىنا جانە وتبا­سى­نىڭ ءاربىر مۇشەسىنە 70 اەك مولشەرىندە كوشۋگە ارنالعان سۋبسيديا بەرىلەدى, سونداي-اق وتباسى مۇشەلەرىنىڭ سانىنا جانە ەلدى مەكەنگە بايلانىستى 12 اي ىشىندە 15-تەن 30 اەك-كە دەيىنگى كولەمدە تۇرعىن ءۇي جالداۋعا جانە كوممۋنالدىق قىزمەتتەرگە اقى تولەۋگە اي سايىنعى سۋبسيديالاۋ, قىسقا مەرزىمدى كاسىپتىك وقىتۋعا جىبەرۋ جانە جۇمىسقا ورنالاسۋعا نەمەسە كاسىپكەرلىك باستامانى دامىتۋعا جاردەمدەسۋ سياقتى شارالار قاراستىرىلعان.

2022 جىلى قونىس اۋدار­عان­داردىڭ ىشىندە 3 652 ادام ەڭ­بەككە جارامدى, ولاردىڭ 2 811-ءى تۇراقتى جۇمىسقا ورنالاس­تى­رىل­عان. بىرجولعى سۋبسيديالار 7 622 قا­تى­سۋشىعا تولەندى, ال 5 633 ازا­ماتقا تۇرعىن ءۇي شىعىستارى سۋبسيديالانادى.

بۇعان قوسا وڭىرارالىق قونىس اۋدارۋ­عا جاردەم كورسەتەتىن جۇ­مىس بەرۋشىلەرگە تۇرعىن ۇي­مەن قامتا­ماسىز ەتىلگەن جانە كە­مىن­دە 2 جىل مەرزىمگە تۇراق­تى جۇ­مىسقا قابىلدانعان ءاربىر جۇمىس­كەر ءۇشىن 400 اەك مول­شە­­رىندە جۇمىسقا ورنالاسۋعا بىر­جولعى سۋبسيديا بەرىلەدى.

جۇمىس كۇشى جەتىسپەيتىن وڭىر­لەرگە قونىس اۋدارۋ مۇمكىن­دىگىن پايدالانعان مۇنداي ازاماتتاردىڭ كوبىنىڭ ومىرىندە وڭ وزگەرىستەر بايقالادى. بۇرىن جۇمىسسىز جۇرگەن جۇرت باسقا وڭىردە ەڭبەككە ارالاسىپ, ناپا­قا­سىن تاۋىپ ءجۇر. سولاردىڭ ءبىرى – نۇربولات ماديەۆ. ول قى­زىلور­دادان قوستاناي وبلىسىنا كوشىپتى.

«2019 جىلى مەن بولاشاق جارىممەن بىرگە اۋليەكول اۋدا­­نىنا كوشىپ كەلدىم. قازىر اۋدان­دىق اۋرۋحانادا ماس­ساجيست بولىپ جۇمىس ىستەيمىن. جۇ­مىس­پەن قامتۋ ورتالىعى ار­قى­لى جۇمىسقا ورنالاستىم. ما­عان بارلىق قولداۋ شارالارى كورسەتىلدى. بۇل ءۇشىن ري­زا­شى­لى­عىمدى بىلدىرەمىن. مۇنداي باع­دارلامالار كوپ بولسا, جاقسى بولار ەدى», دەيدى ول.

ن.ماديەۆ جۇبايىمەن وسىندا كوشىپ كەلگەننەن كەيىن ۇي­لەندى. ونىڭ جۇبايى اۋداندىق اۋرۋحاناعا گينەكولوگ بولىپ جۇ­­مىس­قا ورنالاستى. جاس وتبا­سى قازىر ەكىنشى ءسابيىن كۇتىپ وتىر ەكەن.

كوشى-قون كوميتەتى توراعاسى­نىڭ مىندەتىن اتقارۋشى ءىلياس يسپانوۆتىڭ ايتۋىنشا, قانداس­تار مەن قونىس اۋدارۋشىلاردى قابىلداۋدىڭ 2023 جىلعا ارنالعان وڭىرلىك كۆوتاسى 8 652 ادام­دى قۇرايدى. ونىڭ 1,9 مىڭى قانداستار ءۇشىن, ال 6,7 مىڭى قونىس اۋدارۋشىلار ءۇشىن كوزدەلگەن.

«قازىرگى ۋاقىتتا مينيسترلىك 2023-2027 جىلدارعا ارنالعان كوشى-قون ساياساتىنىڭ تۇجىرىم­دا­ماسىن قابىلدادى. بۇل قۇجات جۇمىس ورىندارى قۇرىلاتىن جانە قولدانىستاعى بيزنەس-جوبالار كەڭەيتىلەتىن سولتۇستىك جانە ورتالىق وڭىرلەرگە ىشكى قو­نىس اۋدارۋ تەتىگىن قايتا قا­رايدى. بۇعان قوسا تۇراقتى جۇمىسقا ورنالاسقان ازاماتتارعا جاڭا تۇرعىلىقتى جەرى بويىن­شا 4 ملن تەڭگەگە دەيىنگى مول­شەردە تۇرعىن ءۇي ساتىپ الۋعا قارجىلاي كومەك الۋعا مۇمكىندىك بەرەتىن ۇتقىرلىق سەرتيفيكاتتارىن ەنگىزۋ مۇمكىندىگى قاراس­تى­رىلىپ جاتىر. ىسكە اسىرىلىپ جاتقان شارالار حالىقتى قونىستاندىرۋدىڭ وڭىرىشىلىك ديسپرو­پورتسياسى ماسەلەلەرىن رەتتەۋدە شەشۋشى ءرول اتقارادى», دەيدى ءى.يسپانوۆ.