جەتىسۋ وبلىسىنىڭ ەڭ كورىكتى مەكەندەرىنىڭ ءبىرى – ەسكەلدى اۋدانى. بۇل ءوڭىر ءارتۇرلى سپورتتىق شارالار ۇيىمداستىرۋعا وتە ىڭعايلى. سوندىقتان بولار, قازاقستان قۇسبەگىلەر فەدەراتسياسى رەسپۋبليكالىق ساياساتشىلار سايىسىن وتكىزۋگە وسى جەردى تاڭداپتى.
بۇعان دەيىن بۇل سايىس الماتى وبلىسىنىڭ نارىنقول وڭىرىندە ءوتىپ كەلسە, بۇل جولى جەتىسۋ وبلىسىنىڭ جەكە شاڭىراق كوتەرۋ قۇرمەتىنە وراي تۇڭعىش رەت ۇيىمداستىرىلىپ وتىر. بۇل رەتكى قۇسبەگىلەردىڭ ءحىV چەمپيوناتىنا الماتى, تۇركىستان, اباي, اتىراۋ, ماڭعىستاۋ, شىعىس قازاقستان وبلىستارى جانە استانا, الماتى قالالارىنىڭ سپورتشىلارى قاتىستى.
جارىستىڭ اشىلۋ سالتاناتىندا ءسوز سالعان جەتىسۋ وبلىستىق دەنە-شىنىقتىرۋ جانە سپورت باسقارماسىنىڭ باسشىسى المات ۇشكەمپىروۆ, حالقىمىزدىڭ بايىرعى ونەرى سالبۋرىن – ساياتتى دامىتۋ قاي جاعىنان بولسىن قاجەت ەكەنىنە توقتالىپ, جارىسقا قاتىسۋشىلارعا ساتتىلىك تىلەدى. وسىلاي ەكى كۇنگە سوزىلعان جارىس قورىتىندىسى بويىنشا, اتىراۋلىق قۇسبەگى يمانعالي ابدىكارىم ۇلى چەمپيون اتانسا, قارشىعا سالۋدا الماتى وبلىسىنىڭ وكىلى سەيىتجان بەكسۇلتان ۇزدىك دەپ تانىلدى. ال يتەلگى باپتاۋدان تۇركىستان وبلىسىنىڭ وكىلى ءمۇسالىم سالمانعا تەڭ كەلەر ەشكىم بولمادى. وسىلاي تۇركىستان وبلىسىنىڭ قۇسبەگىلەرى 1 التىن, 1 كۇمىس, 2 قولا مەدالعا يە بولسا, اتىراۋ جانە الماتى وبلىسىنىڭ وكىلدەرى ءبىر-بىردەن التىن مەدالدى جەڭىپ الدى.
الۋا وسپانجان,
جەتىسۋ وبلىسى دەنە شىنىقتىرۋ جانە سپورت باسقارماسىنىڭ ءباسپاسوز حاتشىسى