«جايلى مەكتەپ» ۇلتتىق جوباسى بيىل باستالادى. وسىلايشا ءۇشىنشى اۋىسىمنان تولىقتاي قۇتىلىپ, مەكتەپتەردەگى ورىن تاپشىلىعىن جويۋعا بولادى. قازىردىڭ وزىندە 225 مىڭعا جۋىق وقۋشىعا ورىن جەتپەيدى, دەپ حابارلايدى Egemen.kz.
جاڭا ۇلگىدەگى مەكتەپتەر 2025 جىلدىڭ سوڭىنا دەيىن رەسپۋبليكامىزداعى قالالاردا دا, شالعاي ەلدى مەكەندەردە دە سالىنادى. قۇرىلىسقا وتاندىق وندىرىستەگى ماتەريالدار قولدانىلادى.
مەكتەپتەردى جوبالاۋ قازاقستاننىڭ قولدانىستاعى نورمالارىنا, ۇكىمەت بەكىتكەن تەحنيكالىق تاپسىرمالارى مەن ءبىلىم بەرۋ ۇيىمدارىن سالۋداعى وزىق حالىقارالىق تاجىريبەگە نەگىزدەلەدى. ۇلتتىق جوبانىڭ بىرىڭعاي وپەراتورى – Samruk-Kazyna Construction كومپانياسى.