وتكەن جىلى قازاقستاندا جەتى ەلگە 10 جاڭا اۋە باعىتى اشىلدى, دەپ حابارلايدى Egemen.kz.
مادەنيەت جانە سپورت مينيسترلىگىنە قاراستى تۋريزم كوميتەتى تاراتقان اقپاراتقا سايكەس, ەندى قازاقستان ازاماتتارى ميلان (يتاليا), يراكليون (گرەكيا), نحا ترانگ (ۆەتنام), كۋۆەيت (كۋۆەيت), انكارا (تۇركيا), ماحە ارالى (سەيشەل ارالدارى) جانە تيۋمەن (رەسەي) سياقتى قالالارعا تىكەلەي رەيسپەن ۇشا الادى. جاڭا باعىتتاردىڭ اشىلۋى ەلگە شەتەلدىك تۋريستەر اعىنىنىڭ ديناميكاسىنا وڭ اسەر ەتەدى.
«قازىر تۋريزم كوميتەتى جاڭا اۋە باعىتتارىن اشۋمەن اينالىسىپ جاتىر. تىكەلەي اۋە قاتىناسىنىڭ اشىلۋى ەلدەگى ءتۋريزمنىڭ دامۋىنا اسەر ەتەدى. ماسەلەن, اتىراۋ وبلىسىنا ساپار جاساعان تۋريستەر سانى 3,5 ەسە وسكەن. بۇل ءوڭىردىڭ ترانزيتتىك الەۋەتىنە بايلانىستى بولىپ وتىر. بۇل رەتتە ءاربىر ءتورتىنشى تۋريست الماتى قالاسىنا اتتانادى. وسى كەزەڭدە استانا قالاسى تۋريستەردى رەكوردتىق مولشەردە قابىلدادى - 1,2 ميلليوننان استام قوناق. ەلىمىزدىڭ تاۋ شاڭعىسى كۋرورتتارىنا كەلەتىن تۋريستەردىڭ سانى 1,5 ميلليونعا جەتتى. جىلدىق ءوسىم 20 پايىزدى قۇرادى. ەلىمىزدەگى شاڭعى تۋريستەرىنىڭ سانى جاعاجاي تۋريستەرىنىڭ سانىنا تەڭ بولدى», دەدى مادەنيەت جانە سپورت ۆيتسە-ءمينيسترى ەرجان ەركىنباەۆ.
ايتا كەتەيىك, وتكەن جىلى قازاقستانعا كەلگەن شەتەلدىك تۋريستەر سانى ءۇش ەسە ارتتى.