سقو پد ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى رەسەي فەدەراتسياسىنىڭ ەكى ازاماتى جۇزەگە اسىرعان زاڭسىز ءدىني قىزمەتتى توقتاتتى. تەرگەۋ ناتيجەلەرى كورسەتكەندەي, ولار قازاقستاندا تىركەلمەگەن ءدىني ۇيىمنىڭ ءىزباسارلارى بولىپ شىقتى, دەپ حابارلايدى Egemen.kz.
كۇدىكتىلەر 2022 جىلدان باستاپ پەتروپاۆل تۇرعىندارىن ءوز ۇيىمدارىمەن تانىستىرىپ, ادامداردى سول ۇيىمدارعا تارتقان.
قىلمىسكەرلەر – 42 جاستاعى ەر ادام مەن 60 جاستاعى ايەل يا.گاشەك كوشەسىندەگى جالدامالى پاتەردە ۇستالدى.
كۇدىكتىلەرگە قاتىستى قر اقبتك-ءنىڭ 489-بابىنىڭ 10-بولىگى (قازاقستان رەسپۋبليكاسىنىڭ قوعامدىق بiرلەستiكتەر تۋرالى زاڭناماسىن بۇزۋ, سونداي-اق قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن تىركەلمەگەن قوعامدىق, دiني بiرلەستiكتەردiڭ قىزمەتىنە باسشىلىق جاساۋ, قاتىسۋ, ولاردىڭ قىزمەتiن قارجىلاندىرۋ) بويىنشا اكىمشىلىك حاتتاما تولتىرىلدى.
اتالعان باپتىڭ سانكتسياسىنا سايكەس جاۋاپقا تارتىلعاندار 50 اەك مولشەرiندە ايىپپۇل تولەيدى. قازىرگى ۋاقىتتا قۇقىق بۇزۋشىلاردىڭ زاڭسىز ارەكەتتەرىنە قاتىستى تەرگەپ-تەكسەرۋ جۇمىستارى جۇرگىزىلىپ جاتىر.
گۇلشاحرا سانسىزباي