«AMANAT» پارتياسى رينات زايىتوۆتى ءماجىلىس دەپۋتاتى كانديتاتتارىنىڭ تىزىمىنە قوستى. بۇل تۋرالى «AMANAT» پارتياسىنىڭ كەزەكتەن تىس سەزىندە بەلگىلى بولدى, دەپ حابارلايدى Egemen.kz.
رينات زايىتوۆ 1983 جىلى 17 قاراشادا شىعىس قازاقستان وبلىسىنىڭ اياگوز قالاسىندا دۇنيەگە كەلگەن. ول - قازاقتىڭ سۋىرىپ-سالما ايتىسكەرى, درامالىق اكتەر, فيلولوگ.
م.تولەباەۆ اتىنداعى مۋزىكا كوللەدجىنىڭ «درامالىق تەاتر اكتەرى» ماماندىعى بويىنشا تامامداعان. سەمەي مەملەكەتتىك پەداگوگيكالىق ينستيتۋتىندا فيلولوگ ماماندىعىن مەڭگەرگەن.
ول 2001-2008 جىلدار ارالىعىندا ايماقتىق, رەسپۋبليكالىق جانە حالىقارالىق ايتىس دودالارىنىڭ جەڭىمپازى اتانعان. ال 2008-2010 جىلدار ارالىعىندا رەسپۋبليكالىق ايتىستاردىڭ جەڭىمپازى بولعان.
رينات زايىتوۆ - اياگوز اۋدانىنىڭ قۇرمەتتى ازاماتى, «استانا قالاسىنىڭ دامۋىنا قوسقان ۇلەسى ءۇشىن» مەدالىنىڭ يەگەرى.