كۇپىرلىك مازمۇندا تارالعان اقپاراتتان كەيىن پاكىستاندا ۋيكيپەديانىڭ جۇمىسى توقتاتىلدى, دەپ حابارلايدى, Egemen.kz.
پاكىستاننىڭ تەلەكوممۋنيكاتسيا باسقارماسىنىڭ وكىلى مالاحات وبەيد ماتەريالداردى الىپ تاستاۋعا 48 ساعات ۋاقىت بەرىلگەنىن ايتتى. بىراق ول سۇرانىس ورىندالماعان.
ونىڭ ايتۋىنشا, پاكىستان بيلىگى ۋيكيپەديا قىزمەتكەرلەرىمەن ءالى دە كەلىسسوزدەر جۇرگىزىپ جاتىر جانە ولاردىڭ تالاپتارى ورىندالعاننان كەيىن عانا سايت قولجەتىمدى بولادى.
2010 جىلى پاكىستاندا Youtube جەلىسى دە بۇعاتتالعان بولاتىن. 2016 جىلدىڭ قاڭتارىندا پاكىستاندىقتارعا بۇل قىزمەتتى پايدالانۋعا قايتادان رۇقسات ەتىلدى. بىراق كەيبىر اقپاراتقا شەكتەۋلەر قويىلعان.
ايتولعان ءجۇنىسحان,
ل.ن. گۋميلەۆ اتىنداعى ەۇۋ ستۋدەنتى