ەۋرازيالىق ەكونوميكالىق وداق اياسىنداعى بىردە-ءبىر ەلدە وزىق تەحنولوگيالاردى دامىتۋ ءۇشىن جەتكىلىكتى نارىق جوق. تەحنولوگيالىق ەگەمەندىككە قول جەتكىزۋ ءۇشىن ىنتىماقتاستىق قاجەت. بۇل تۋرالى رەسەي فەدەراتسياسىنىڭ پرەمەر-ءمينيسترى ميحايل ميشۋستين مالىمدەدى, دەپ حابارلايدى Egemen.kz.
ونىڭ پىكىرىنشە, ەاەو بۇعان «بەستىك» اياسىندا جانە باسقا دوس ەلدەرمەن ءوزارا ارەكەتتەسۋ ارقىلى قول جەتكىزە الادى – مۇنى جالعىز جۇزەگە اسىرۋ مۇمكىن ەمەس.
«سونىمەن قاتار ءبىز شىنايى بولۋىمىز كەرەك. بىرىنشىدەن, ءبىزدىڭ ەلدەرىمىزدىڭ ەشقايسىسىندا وزىق تەحنولوگيالاردى قۇرۋ مەن دامىتۋعا قولداۋ كورسەتۋ ءۇشىن جەتكىلىكتى تۇتىنۋ نارىعى جوق. بىراق ىنتىماقتاستىق نەگىزىندە ءبىز بۇعان قول جەتكىزە الامىز», دەدى م.ميشۋستين.
ول بۇل ۇسىنىستى «ماڭىزدى ينفراقۇرىلىمدىق قاۋىپسىزدىك ماسەلەسى» دەپ اتادى.
ونىڭ ايتۋىنشا, ەشبىر مەملەكەت نەمەسە قاۋىمداستىق تولىق تەحنولوگيالىق تاۋەلسىزدىككە يە بولا المايدى.
«ەكونوميكانىڭ نەگىزگى سالالارىندا ءوز ونىمدەرىمىزدىڭ جانە ءوز ءوندىرىسىمىزدىڭ بولماۋى ءبىزدى وسال ەتەدى. سوندىقتان ءبىز ءوزىن-ءوزى قامتاماسىز ەتۋدىڭ ءوزارا قولايلى بالانسىن انىقتاۋىمىز كەرەك. ءبىز تەپە-تەڭدىككە ۇمتىلۋىمىز كەرەك, رەسەي ەاەو سەرىكتەستەرىمەن, ەڭ الدىمەن, باسقا دا دوس مەملەكەتتەرمەن مۇنداي ىنتىماقتاستىققا اشىق», دەيدى م.ميشۋستين.