الماتىدا ەۋرازيالىق ۇكىمەتارالىق كەڭەستىڭ شاعىن قۇرامدا وتكەن وتىرىسىندا ەاەو اياسىنداعى ەكونوميكالىق ىنتىماقتاستىقتىڭ وزەكتى ماسەلەلەرى تالقىلانادى.
ءىس-شاراعا ارمەنيا پرەمەر-ءمينيسترى نيكول پاشينيان, بەلارۋس پرەمەر-ءمينيسترى رومان گولوۆچەنكو, قازاقستان ۇكىمەتىنىڭ باسشىسى ءاليحان سمايىلوۆ, قىرعىزستان مينيسترلەر كابينەتىنىڭ توراعاسى – پرەزيدەنت اكىمشىلىگىنىڭ باسشىسى اقىلبەك جاپاروۆ جانە رەسەي ۇكىمەتىنىڭ باسشىسى ميحايل ميشۋستين قاتىسۋدا.
شاعىن قۇرامدا وتكەن وتىرىستا ەاەو-نىڭ الكوگول نارىعىن رەتتەۋ ماسەلەلەرىن, ورتاق گاز نارىعىن قالىپتاستىرۋ تۋرالى حالىقارالىق شارتتىڭ جوباسىن دايىنداۋ بارىسىن, سونداي-اق وداقتىڭ وڭىرلىك دامۋ ينستيتۋتتارىنىڭ قىزمەتىن تالقىلاۋ جوسپارلانىپ وتىر.
«قابىلدانعان شەشىمدەر ينتەگراتسيالىق بىرلەستىكتىڭ ودان ءارى دامۋىنا ەلەۋلى ۇلەس قوسىپ, تىڭ سەرپىن بەرەتىنىنە سەنىمدىمىن», دەدى وتىرىستا ءسوز العان پرەمەر-مينيستر ءاليحان سمايىلوۆ.