قىتايدىڭ سىچۋان پروۆينتسياسىنىڭ بيلىگى ءار وتباسىنا رۇقسات ەتىلگەن بالالار سانىنا قاتىستى شەكتەۋلەردى الىپ تاستادى. بۇل ەلدەگى تۋ كورسەتكىشىنىڭ تومەندەۋىمەن كۇرەسۋگە باعىتتالعان تاعى ءبىر شارا, دەپ حابارلايدى Egemen.kz.
قىتاي بيلىگى بىرنەشە جىلدان بەرى ء«بىر وتباسى, ءبىر بالا» ساياساتىنان تۋىنداعان جاعىمسىز دەموگرافيالىق تەندەنتسيانى وزگەرتۋگە تىرىسىپ كەلەدى. وتكەن جىلى قىتاي حالقى 60 جىلدا العاش رەت ازايعان.
«سونىمەن قاتار, نەكەسىز بوسانعان ايەلدەر ونى رەسمي تۇردە تىركەي الادى جانە ەرلى-زايىپتىلار سياقتى بارلىق جەڭىلدىكتەردى الا الادى», دەپ حابارلادى پروۆينتسيا ۇكىمەتى.
بۇدان بىلاي سىچۋان پروۆينتسياسىندا كەز كەلگەن تۇرمىس قۇرماعان ايەل, ەگەر ول بالا تۋعىسى كەلسە, مەديتسينالىق كومەككە, مەكتەپتەگى ورىنعا جانە اقشالاي تولەمدەرگە يە بولا الادى.
2023 جىلدىڭ 23 قاڭتارىندا قىتاي ۇكىمەتى 2022 جىلى قىتايدا 9,56 ميلليون بالا دۇنيەگە كەلىپ, 10,41 ميلليون ادام قايتىس بولدى دەگەن ستاتيستيكانى جاريالادى. ء«بىر وتباسى, ءبىر بالا» ساياساتىنىڭ سالدارىنان ەلدەگى دەموگرافيالىق ءوسىم تومەندەگەن. بۇل ساياسات 1980 جىلدىڭ قىركۇيەگىندە ەل حالقىنىڭ باقىلاۋسىز ءوسۋىن ازايتۋ ءۇشىن ەنگىزىلگەن ەدى.
سىچۋانداعى جاعداي الاڭداتارلىقتاي ەمەس, بىراق 60 جاستان اسقان ادامداردىڭ سانى جالپى حالىقتىڭ 21 پايىزىن قۇرايدى. بۇل ورتاشا كورسەتكىشتەن 17,4 پايىز جوعارى. ەگەر دەموگرافيالىق تەندەنتسيانى قالپىنا كەلتىرۋ مۇمكىن بولماسا, وندا 2040 جىلعا قاراي بۇل كورسەتكىش 28 پايىزعا دەيىن وسەدى دەگەن بولجام بار.
ء«بىز بۇرىن-سوڭدى كورمەگەن قىتايدى كورۋىمىز ابدەن مۇمكىن. ەندى قىتاي قوعامى جاسارمايدى, حالقى قارتايىپ, ازايا بەرەدى», دەيدى كاليفورنيا ۋنيۆەرسيتەتىنىڭ الەۋمەتتانۋ پروفەسسورى ۆان فەن.
ايتولعان ءجۇنىسحان,
ل.ن.گۋميلەۆ اتىنداعى ەۇۋ ستۋدەنتى