ساياسات نۇربەك ماروككو ەلشىسىمەن كەزدەستى

كەزدەسۋ بارىسىندا تاراپتار عىلىم جانە جوعارى ءبىلىم سالاسىنداعى ىنتىماقتاستىقتى تالقىلادى.   مينيستر ساياسات نۇربەك پەن ەلشى مۇحاممەد راشيد ماانينۋ قازاقستاندىق ستۋدەنتتەرگە ماروككودا ءبىلىم بەرۋ گرانتتارىن ءبولۋ جانە قر جوعارى وقۋ ورىندارىندا, ونىڭ ىشىندە اكادەميالىق ۇتقىرلىق باعدارلامالارى ەسەبىنەن ماروككالىق ستۋدەنتتەر سانىن كوبەيتۋ مۇمكىندىگىن تالقىلادى.   سونىمەن قاتار ەلشى ءوز ەلىندە عىلىمنىڭ دامۋى تۋرالى ايتىپ, وسى سالاداعى ىنتىماقتاستىقتى ۇسىندى. ۆەدومستۆو باسشىسى بۇل باستامانى قولدادى. كەزدەسۋ سوڭىندا ساياسات نۇربەك قوناققا ساپارى ءۇشىن العىس ايتىپ, ودان ءارى ىنتىماقتاستىققا ءۇمىت ءبىلدىردى.