2022 جىلى اتاۋلى الەۋمەتتىك كومەك 141,5 مىڭ وتباسىنان 728,7 مىڭ ادامعا تاعايىندالدى, بۇل ماقساتتارعا بيۋدجەتتەن 59,5 ملرد تەڭگە ءبولىندى, دەپ حابارلايدى Egemen.kz.
«ااك وتباسىنىڭ ءاربىر مۇشەسىنە جان باسىنا شاققانداعى ورتاشا تابىسى وڭىرلىك ەڭ تومەنگى كۇنكورىس دەڭگەيىنىڭ 70%-ىنان تومەن ازاماتتارعا تاعايىندالادى. بۇدان باسقا ااك كورسەتۋ تەتىگىن ىسكە اسىرۋ شەڭبەرىندە 2020 جىلدان باستاپ ەلىمىزدىڭ بارلىق وڭىرلەرىندە از قامتىلعان وتباسىلاردان شىققان مەكتەپ جاسىنا دەيىنگى بالالاردى زاتتاي تۇردەگى كەپىلدىك بەرىلگەن الەۋمەتتىك توپتامامەن قامتاماسىز ەتۋ بويىنشا جۇمىس جۇرگىزىلدى», دەلىنگەن ەڭبەك جانە حالىقتى الەۋمەتتىك قورعاۋ مينيسترلىگىنىڭ حابارلاماسىندا.
2022 جىلى 1 جاستان 6 جاسقا دەيىنگى شامامەن 204,6 مىڭ ااك الاتىن بالاعا ازىق-ت ۇلىك جانە تۇرمىستىق حيميا جيىنتىعى تۇرىندە كات تاعايىندالدى.
ازاماتتاردىڭ كات-ءتى زاتتاي فورماتتان اقشالاي فورماتىنا اۋىستىرۋ تۋرالى ۇسىنىستارىن ەسكەرە وتىرىپ, 2023 جىلدان باستاپ مەكتەپ جاسىنا دەيىنگى بالالارعا ارنالعان كات-ءتى مونەتيزاتسيالاۋ جۇزەگە اسىرىلدى. ونىمدەر مەن تۇرمىستىق حيميا جيىنتىعىن ۇسىنۋدىڭ ورنىنا ءار بالاعا 1,5 اەك مولشەرىندە اي سايىنعى قوسىمشا تولەم بەلگىلەندى. وسىلايشا, اتا-انالارعا بالالاردىڭ جەكە قاجەتتىلىكتەرىنە قاراي ءوز بەتىنشە ازىق-ت ۇلىك ساتىپ الۋعا مۇمكىندىك بەرىلەدى.
ازاماتتار ااك تاعايىنداۋعا ءوتىنىشتى تۇرعىلىقتى جەرى بويىنشا حالىقتى جۇمىسپەن قامتۋ ورتالىعىنا نەمەسە ەلەكتروندىق ۇكىمەت پورتالى (egov.kz) ارقىلى بەرە الادى.
بۇدان باسقا 2023 جىلعى 1 قاڭتاردان باستاپ قازاقستاندا مەملەكەتتىك قولداۋ الۋ قۇقىعىن اۆتوماتتى رەجيمدە بەلگىلەۋگە مۇمكىندىك بەرەتىن وتباسىنىڭ تسيفرلىق كارتاسى (بۇدان ءارى – وتسك) ەنگىزىلدى. ااك تاعايىنداۋ كريتەريلەرىنە سايكەس بولعان كەزدە وتسك پرواكتيۆتى فورماتتا مەملەكەتتىك قىزمەتتى الۋ ۇسىنىسىمەن الەۋەتتى الۋشىعا اۆتوماتتى تۇردە SMS-حابارلاما جىبەرەدى. الاياقتىق تاۋەكەلىن بولدىرماۋ ءۇشىن 1414 بىرىڭعاي بايلانىس ورتالىعىنان كەلىپ تۇسكەن SMS-كە جاۋاپ بەرۋ قاجەت.