يدم باسشىسى مارات قاراباەۆ «الماتى حالىقارالىق اۋەجايى» اق پرەزيدەنتى الپ ەر تۋنگا ەرسويمەن كەزدەسۋ وتكىزدى. كەزدەسۋ بارىسىندا اۋەجاي باسشىلىعى الماتى اۋەجايىنىڭ جاڭا حالىقارالىق تەرمينالىن سالۋ جونىندەگى ءىرى جوبانىڭ ىسكە اسىرىلۋى تۋرالى باياندادى.
جيىن قاتىسۋشىلارى اۋەجايدى پەرسپەكتيۆالى دامىتۋ بويىنشا جۇمىستىڭ نەگىزگى اسپەكتىلەرىن تالقىلادى.
بۇگىنگى تاڭدا اۋەجاي دامۋىنىڭ وڭ ديناميكاسى جانە جولاۋشىلار اعىنىنىڭ ءوسۋى بايقالادى. ماسەلەن, 2022 جىلى اۋەجاي 7 ميلليوننان استام جولاۋشىعا قىزمەت كورسەتكەن.
ايتا كەتۋ كەرەك, جوبانىڭ جۇزەگە اسىرىلۋى مەملەكەت باسشىسىنىڭ جەكەن باقىلاۋىندا. جوبانى اياقتاۋدىڭ جوسپارلانعان مەرزىمى - 2024 جىلدىڭ ءبىرىنشى جارتىجىلدىعى. جاڭا تەرمينالدىڭ قۇرىلىسى جولاۋشىلار اعىنىن ارتتىرۋعا, ۇشۋ گەوگرافياسىن كەڭەيتۋگە, مەگاپوليستىڭ تۇرعىندارى مەن قوناقتارىن جايلىلىقتىڭ جوعارى دەڭگەيىمەن قامتاماسىز ەتۋگە مۇمكىندىك بەرەدى.
مينيستر اۋەجايداعى قىزمەتتەر مەن سەرۆيستى جاقسارتۋ ءۇشىن بارلىق قاجەتتى شارالاردى قابىلداۋدى جانە جولاۋشىلاردىڭ شاعىمدارىنا دەرەۋ دەن قويۋدى تاپسىردى.
گۇلشاحرا سانسىزباي