سارىاعاشتا جەرگىلىكتى تۇرعىن سىركە سۋىنا ۋلانىپ قالعان. جابىرلەنۋشىگە قاتىستى سوت-مەديتسينالىق ساراپتاما تاعايىندالدى, دەپ حابارلايدى Egemen.kz.
«20 قاڭتاردا سارىاعاش اپب-عا ورتالىق اۋرۋحانادان جەرگىلىكتى تۇرعىننىڭ سىركە سۋىنا ۋلانىپ تۇسكەنى تۋرالى حابارلاما كەلدى. پوليتسيا قىزمەتكەرلەرى بىردەن وقيعا ورنىنا شىقتى. انىقتالعانداي, جابىرلەنۋشى اۋدان مەكتەپتەرىنىڭ بىرىندە قىزمەت ىستەيدى. اتالعان دەرەك قر قك-ءنىڭ 105-بابى 1-بولىگى ء«وزىن-ءوزى ولتىرۋگە دەيىن جەتكىزۋ» بويىنشا تىركەلدى», دەلىنگەن Polisia.kz تاراتقان حابارلامادا.
قاجەتتى تەرگەۋ ارەكەتتەرى جۇرگىزىلەدى جانە بولعان وقيعانىڭ بارلىق ءمان-جايى انىقتالادى. جابىرلەنۋشىگە قاتىستى سوت-مەديتسينالىق ساراپتاما تاعايىندالدى. سوتقا دەيىنگى جان-جاقتى تەرگەۋ ءجۇرىپ جاتىر.