ەكىباستۇزدا 25 قاڭتاردا جىلۋ جەلىلەرىنىڭ زاقىمدانۋىن جوندەۋ كەزىندە 173 جەكە تۇرعىن ءۇي مەن ءبىر كوپقاباتتى ءۇي جىلۋسىز قالادى, دەپ حابارلايدى Egemen.kz.
ەكىباستۇز قالاسى اكىمدىگىنىڭ حابارلاۋىنشا, تسەليننايا, 75, بۇقار جىراۋ, 168, 291ا, كەڭشىلەر-مولودەجنايا, استانا, 34 كوشەلەرىندەگى نىساندار جىلۋ بەرۋدەن ۋاقىتشا اجىراتىلادى. جىلۋ جەلىلەرىندەگى اقاۋدى جوندەۋ جۇمىستارىنا بايلانىستى 174 تۇرعىن ءۇي مەن توعىز زاڭدى نىسان جىلۋسىز قالادى. جوندەۋ جۇمىستارى 3 ساعاتتان 10 ساعاتقا دەيىن سوزىلادى.
«بارلىق جوندەۋ جۇمىستارى اياقتالعاننان كەيىن جىلۋ بەرۋ قالپىنا كەلتىرىلەدى», دەپ حابارلادى قالا اكىمدىگىنەن.
ايتا كەتەيىك, ەكىباستۇزدىقتارعا قاڭتار ايىندا جىلۋ اقىسىن قايتا ەسەپتەۋگە ۋادە بەرىلگەن. بۇل تۋرالى «ەكىباستۇزتەپلوەنەرگو» جشس باس ديرەكتورىنىڭ مىندەتىن اتقارۋشى دميتري زاحاروۆ ايتتى.
ونىڭ ايتۋىنشا, قازاندىق اگرەگاتتارىنىڭ ۇزدىكسىز جۇمىسىن قامتاماسىز ەتۋ جانە پارامەترلەرىن تۇراقتاندىرۋ ماقساتىندا ستانتسيادا نەگىزگى جانە قوسالقى جابدىقتاردى جوندەۋ جۇمىستارى جۇرگىزىلىپ وتىر.
كاسىپورىن تۇتىنۋشىلارعا ەسەپ ايىرىسۋ ايى جابىلىپ, ەسەپتەلگەننەن كەيىن 10 اقپانعا دەيىن جىلۋمەن جابدىقتاۋ قىزمەتىنىڭ قۇنىن قايتا ەسەپتەۋ الگوريتمىن بەرۋگە ۋادە بەرىپ وتىر.