ستەپنوگورسك قالاسىندا بانك ديرەكتورى مەن كاسسير 255 ميلليون تەڭگە ۇرلاعان, دەپ حابارلايدى Egemen.kz.
اقمولا وبلىسى پوليتسيا دەپارتامەنتى ءباسپاسوز قىزمەتىنىڭ مالىمەتىنشە, 2022 جىلعى جەلتوقساندا ستەپنوگورسك قالاسىندا ورنالاسقان بانكتەردىڭ ءبىرىنىڭ بولىمشەلەرىندە جۇرگىزىلگەن جوسپارلى تەكسەرۋ بارىسىندا اسا ءىرى كولەمدە بانك قاراجاتىنىڭ جەتىسپەۋشىلىگى انىقتالعان. اتالعان دەرەك بويىنشا قر قىلمىستىق كودەكسىنىڭ 189-بابى 4-بولىگىنىڭ 2-تارماعى بويىنشا سوتالدى تەرگەۋ باستالعان.
«پوليتسيا وسى دەرەكتى تەكسەرۋ اياسىندا قالالىق فيليال ديرەكتورى مەن كاسسيردىڭ 2022 جىلدىڭ قاراشا-جەلتوقسان ايلارى ارالىعىندا 255 684 400 تەڭگەنى زاڭسىز يەمدەنىپ, جىمقىرعانىن انىقتادى. كۇدىكتىلەر جوعارىدا اتالعان سومانى ءبىر اي ىشىندە قىلمىستىق سحەمالاردى ازىرلەمەي جانە ەسەپتەردى بۇرمالاۋ ارەكەتتەرىنسىز كاسسادان ءوندىرىپ العان», دەدى پوليتسيا.
تەرگەۋ جالعاسىپ جاتىر. گۇلشاحرا سانسىزباي