جەتىسۋ وبلىسىندا قار قۇرساۋىندا قالعان جولاۋشىلار قۇتقارىلدى

«كەشە ساعات 16.45-تە قۇرامىندا 6 قۇتقارۋشى جانە 2 بىرلىك تەحنيكا بار جەدەل قۇتقارۋ جاساعىنىڭ قۇتقارۋشىلارى ء«ۇشارال-دوستىق» اۆتوجولىنىڭ «ىرعايتى» ۋچاسكەسىندە قار قۇرساۋىندا قالعان 4 اۆتوكولىكتەن 7 ادامدى قۇتقاردى. ولار ساعات 20.05-تە كوكتۇما اۋىلىنىڭ جىلىتۋ پۋنكتىنە جەتكىزىلدى», دەلىنگەن جەتىسۋ وبلىسى تجد ءباسپاسوز قىزمەتىنىڭ حابارلاماسىندا.

سونىمەن قاتار ساعات 22.50-دە قابانباي اۋىلىنان 15 شاقىرىم جەردە, «بەسقوپا» ۋچاسكەسىندە, قابانباي اۋىلىنىڭ ءورت ءسوندىرۋ بەكەتىنىڭ قىزمەتكەرلەرى جول بويىندا بۇزىلعان «گاز-53» جۇك كولىگىنەن 2 ادامدى قۇتقارىپ, قاۋىپسىز جەرگە جەتكىزگەن. قۇتقارىلعانداردىڭ ەشقايسىسىنا مەديتسينالىق كومەك قاجەت بولماعان.

ەستەرىڭىزگە سالا كەتسەك, 22 قاڭتار كۇنى ساعات 18.00-دە اۋا رايىنىڭ ناشارلاۋىنا بايلانىستى جول قىزمەتتەرى  رەسپۋبليكالىق ماڭىزى بار ء«ۇشارال-دوستىق» اۆتوجولىندا بارلىق اۆتوكولىك تۇرلەرى ءۇشىن قوزعالىستى جابۋ تۋرالى شەشىم قابىلداندى.