قازاقستاندا ءبىر مانداتتى وكرۋگتەر بويىنشا سوڭعى سايلاۋ 2004 جىلى ءوتتى. دەمەك سايلاۋعا قاتىستى اقپاراتتى كوبىرەك تاراتۋ كەرەك. ياعني داۋىس بەرۋدىڭ ەرەكشەلىكتەرى مەن سايلاۋدىڭ پروپورتسيونالدى-ماجوريتارلىق جۇيەسى تۋرالى تۇسىندىرمە جۇمىسىن جۇرگىزگەن ءجون.
ءبىر ايتا كەتەرلىگى, وتكەن سايلاۋدىڭ قورىتىندىسى بويىنشا پارتيالىق تىزىمدەگى ايەلدەر مەن جاستارعا 30 پايىزدىق كۆوتا بەرۋ نورماسى جۇزەگە اسىرىلىپ, پارلامەنتتىك وپپوزيتسيا ينستيتۋتى دا ەنگىزىلدى. بيىلعى سايلاۋ ناۋقانىنىڭ ەرەكشەلىگى كوپ.
ولاردىڭ قاتارىنا ساياسي پارتيالاردى تىركەۋ تالاپتارىنىڭ ەداۋىر جەڭىلدەگەنىن اتاپ ايتساق بولادى. بۇل ءىس جۇزىندە جاڭا پارتيالىق قوزعالىستارعا جول اشتى. ماسەلەن, سايلاۋ جاريالانعان كەزەڭدە «بايتاق» جانە «رەسپۋبليكا» اتتى ەكى جاڭا پارتيا تىركەلگەن. پارتيالاردى قۇرۋدىڭ جاڭا تارتىبىنەن بولەك, پارتيالاردىڭ پارلامەنتكە كىرۋىنە قويىلاتىن شەكتى كەدەرگى دە تومەندەتىلدى.
وسىنىڭ بارىنە ءبىر مانداتتى سايلاۋ وكرۋگى بويىنشا كانديداتتاردىڭ ۇگىت-ناسيحات جۇمىستارى دا قوسىلىپ, جاڭا سايلاۋدا تارتىستى كۇشەيتە تۇسپەك. ءبىر مانداتتى ۇمىتكەرلەر ماجىلىستەگى 29 ورىنعا تالاسادى.
وڭىرلىك دەڭگەيدە دە ايتارلىقتاي بەلسەندى سايلاۋ ناۋقانى وتۋگە ءتيىس. وبلىستار جانە استانا, الماتى جانە شىمكەنت قالالارى ءماسليحاتتارىنىڭ دەپۋتاتتارى پارتيالىق ءتىزىم بويىنشا دا, ءبىر مانداتتى وكرۋگتەر بويىنشا دا سايلانادى. ال اۋداندىق ءماسليحات دەپۋتاتتارىن سايلاۋ تولىقتاي ءبىر مانداتتىق جۇيەمەن وتەدى.
جانار سانحاەۆا,
ستراتەگيالىق زەرتتەۋلەر ينستيتۋتىنىڭ جەتەكشى عىلىمي قىزمەتكەرى