قازاقستان رەسپۋبليكاسىنىڭ زاڭى №207-V قرز

«يننوۆاتسيالىق تەحنولوگيالار پاركى» يننوۆاتسيالىق كلاستەرى تۋرالى

وسى زاڭ «يننوۆاتسيالىق تەحنولوگيالار پاركى» يننوۆاتسيالىق كلاستەرىنىڭ قۇقىقتىق مارتەبەسىن جانە «يننوۆاتسيالىق تەحنولوگيالار پاركى» ارنايى ەكونوميكالىق ايماعىن باسقارۋ ەرەكشەلىكتەرىن ايقىندايدى. 1-تاراۋ. جالپى ەرەجەلەر 1-باپ. وسى زاڭدا پايدالانىلاتىن نەگىزگى ۇعىمدار وسى زاڭدا مىناداي نەگىزگى ۇعىمدار پايدالانىلادى: 1) دەربەس كلاستەرلىك قور (بۇدان ءارى – قور) – «يننوۆاتسيالىق تەحنولوگيالار پاركى» ارنايى ەكونوميكالىق ايماعىنىڭ باسقارۋ ورگانى بولىپ تابىلاتىن, سونداي-اق قازاقستان رەسپۋبليكاسىنىڭ زاڭناماسىندا كوزدەلگەن وزگە دە فۋنكتسيالاردى ورىندايتىن كوممەرتسيالىق ەمەس ۇيىم; 2) «يننوۆاتسيالىق تەحنولوگيالار پاركى» ارنايى ەكونومي­كالىق ايماعى – قازاقستان رەسپۋبليكاسىنىڭ ارنايى ەكونوميكالىق ايماقتار تۋرالى زاڭناماسىنا سايكەس قۇرىلعان, اقپاراتتىق جانە يننوۆاتسيالىق تەحنولوگيالار سالاسىنداعى ارنايى ەكونوميكالىق ايماق; 3) «يننوۆاتسيالىق تەحنولوگيالار پاركى» يننوۆاتسيالىق كلاستەرى (بۇدان ءارى – يننوۆاتسيالىق كلاستەر) – ءوزارا ءىس-قيمىل جاساۋ جانە قولدا بار مۇمكىندىكتەردى بىرلەسىپ پايدالانۋ, ءبىلىم جانە تاجىريبە الماسۋ, زەرتتەۋلەر جۇرگىزۋ, تەحنولوگيالاردى ءتيىمدى بەرۋ, ورنىقتى ارىپتەستىك بايلانىستاردى جولعا قويۋ جانە اقپارات تاراتۋ ارقىلى يندۋستريالىق-يننوۆاتسيالىق قىزمەتتى ىنتالاندىرۋعا ارنالعان يننوۆاتسيالىق كلاستەر قاتىسۋشىلارىنىڭ بىرلەستىگى; 4) «يننوۆاتسيالىق تەحنولوگيالار پاركى» يننوۆاتسيالىق كلاستەرى قاتىسۋشىسىنىڭ جوباسى (بۇدان ءارى – قاتىسۋشىنىڭ جوباسى) – جاڭا نەمەسە جەتىلدىرىلگەن وندىرىستەردى, تەحنولوگيالاردى, تاۋارلاردى, جۇمىستار مەن كورسەتىلەتىن قىزمەتتەردى جاساۋعا باعىتتالعان, بەلگىلى ءبىر ۋاقىت مەرزىمى ىشىندە ىسكە اسىرىلاتىن ءىس-شارالار كەشەنى. 2-باپ. قازاقستان رەسپۋبليكاسىنىڭ يننوۆاتسيالىق كلاستەر تۋرالى زاڭناماسى 1. قازاقستان رەسپۋبليكاسىنىڭ يننوۆاتسيالىق كلاس­تەر تۋرالى زاڭناماسى قازاقستان رەسپۋبليكاسىنىڭ كونستيتۋتسياسىنا نەگىزدەلەدى, وسى زاڭنان جانە قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىنەن تۇرادى. 2. قازاقستان رەسپۋبليكاسىنىڭ يندۋستريالىق-يننوۆا­تسيا­لىق قىزمەتتى مەملەكەتتىك قولداۋ تۋرالى, ارنايى ەكونو­ميكالىق ايماقتار تۋرالى زاڭناماسى يننوۆاتسيالىق كلاستەرگە جانە قورعا وسى زاڭمەن رەتتەلمەگەن بولىگىندە قولدانىلادى. 3. ەگەر قازاقستان رەسپۋبليكاسى راتيفيكاتسيالاعان حالىق­ارالىق شارتتا وسى زاڭداعىدان وزگەشە قاعيدالار بەلگى­لەنسە, وندا حالىقارالىق شارتتىڭ قاعيدالارى قولدانىلادى. 3-باپ. يننوۆاتسيالىق كلاستەر قۇرۋدىڭ جانە ونىڭ جۇمىس ىستەۋىنىڭ ماقساتى يننوۆاتسيالىق كلاستەر جاڭا تەحنولوگيالاردى جەدەلدەتىپ دامىتۋ, زەرتتەۋلەر جۇرگىزۋدىڭ, جاڭا تەحنولوگيالار ازىرلەۋدىڭ ۇيىمدىق, ەكونوميكالىق جانە الەۋمەتتىك جاعدايلارىن ودان ءارى جەتىلدىرۋ, ولاردى كوممەرتسيالاندىرۋعا جاردەم كورسەتۋ ماقساتىندا قۇرىلادى جانە جۇمىس ىستەيدى. 4-باپ. يننوۆاتسيالىق كلاستەر قىزمەتىنىڭ قاعي­داتتارى يننوۆاتسيالىق كلاستەر قىزمەتى: 1) عىلىمنىڭ, ءبىلىمنىڭ جانە ءوندىرىستىڭ ىقپالداستىعى; 2) ۇلتتىق ەكونوميكانىڭ باسەكەگە قابىلەتتىلىگىن ارتتىرۋعا باعىتتالعان قاتىسۋشىلاردىڭ جوبالارىن قارجىلاندىرۋدىڭ باسىمدىعى; 3) يننوۆاتسيالىق كلاستەر قاتىسۋشىلارىنىڭ قىز­مەتىن قولداۋدىڭ ەكونوميكالىق تيىمدىلىگى مەن ناتيجەلىلىگى; 4) ىرگەلى جانە قولدانبالى زەرتتەۋلەردىڭ باسىم باعىتتارىن دامىتۋ; 5) قور قارجىلاندىراتىن قاتىسۋشىلاردىڭ جوبالارى ساراپتاماسىنىڭ وبەكتيۆتىلىگى مەن تاۋەلسىزدىگى; 6) حالىقارالىق ىنتىماقتاستىقتى دامىتۋ; 7) ەكونوميكانىڭ باسىم سەكتورلارىندا تەحنولوگيالاردى كوممەرتسيالاندىرۋدى ىنتالاندىرۋ قاعيداتتارىنا نەگىزدەلەدى. 2-تاراۋ. يننوۆاتسيالىق كلاستەردىڭ قۇقىقتىق مارتەبەسى 5-باپ. يننوۆاتسيالىق كلاستەردى باسقارۋ 1. يننوۆاتسيالىق كلاستەردى دامىتۋ جانە ونىڭ جۇمىس ىستەۋىن قامتاماسىز ەتۋ ماقساتىندا يننوۆاتسيالىق كلاستەردى باسقارۋدى يننوۆاتسيالىق كلاستەردىڭ قامقورشىلىق كەڭەسى جۇزەگە اسىرادى, ول قازاقستان رەسپۋبليكاسى پرەزيدەنتىنىڭ شەشىمى بويىنشا قۇرىلادى. 2. يننوۆاتسيالىق كلاستەر قامقورشىلىق كەڭەسىنىڭ ەرەجەسىن جانە قۇرامىن قازاقستان رەسپۋبليكاسىنىڭ پرەزيدەنتى بەكىتەدى. 3. قازاقستان رەسپۋبليكاسىنىڭ پرەزيدەنتى يننوۆاتسيالىق كلاستەر قامقورشىلىق كەڭەسىنىڭ توراعاسى بولىپ تابىلادى. 6-باپ. يننوۆاتسيالىق كلاستەردىڭ قامقورشىلىق كەڭەسى يننوۆاتسيالىق كلاستەردىڭ قامقورشىلىق كەڭەسىنىڭ فۋنكتسيالارىنا: 1) يننوۆاتسيالىق كلاستەردى دامىتۋدىڭ ستراتەگيالىق مىندەتتەرىن ايقىنداۋ; 2) كاسىپكەرلەردى, كاسىپكەرلەر قاۋىمداستىقتارىن (وداقتارىن) شوعىرلاندىرۋ; 3) يننوۆاتسيالىق كلاستەر قاتىسۋشىلارىنىڭ شەتەلدىك ارىپتەستەرمەن ىنتىماقتاستىعىن دامىتۋ جونىندەگى ۇسىنىس­تاردى تۇجىرىمداۋ; 4) قاتىسۋشىلاردىڭ جوبالارىن ىسكە اسىرۋ ءۇشىن الەۋەتتى ينۆەستورلاردى ىزدەستىرۋ; 5) قارجىلاندىرىلۋى جۇرگىزىلگەن ساراپتاما قورىتىندى­لارى بويىنشا قور مۇلكى ەسەبىنەن جۇزەگە اسىرىلاتىن قاتىسۋشىلاردىڭ جوبالارىن ايقىنداۋ; 6) وسى زاڭدا جانە يننوۆاتسيالىق كلاستەردىڭ قامقورشىلىق كەڭەسى تۋرالى ەرەجەدە كوزدەلگەن وزگە دە فۋنكتسيالار جاتادى. 7-باپ. يننوۆاتسيالىق كلاستەردىڭ قاتىسۋشىلارى 1. يننوۆاتسيالىق كلاستەردىڭ قاتىسۋشىلارى ءوز قىزمەتىن يننوۆاتسيالىق كلاستەردىڭ قامقورشىلىق كەڭەسى ايقىنداعان ستراتەگيالىق مىندەتتەرگە قول جەتكىزۋ ءۇشىن جۇزەگە اسىرادى. 2. مىنالار: 1) ارنايى ەكونوميكالىق ايماق قاتىسۋشىلارىنىڭ بىرىڭعاي تىزىلىمىنە ەنگىزىلگەن «يننوۆاتسيالىق تەحنولوگيالار پاركى» ارنايى ەكونوميكالىق ايماعىنىڭ قاتىسۋشىلارى, ونىڭ ىشىندە قازاقستان رەسپۋبليكاسىنىڭ ارنايى ەكونوميكالىق ايماقتار تۋرالى زاڭناماسىنا سايكەس قىزمەتىن ارنايى ەكونوميكالىق ايماقتىڭ اۋماعىنان تىسقارى جەردە جۇزەگە اسىراتىن, اقپاراتتىق جانە يننوۆاتسيالىق تەحنولوگيالار سالاسىنداعى ارنايى ەكونوميكالىق ايماقتىڭ قاتىسۋشىلارى; 2) باسقارۋشى كوميتەت ايقىندايتىن تارتىپپەن قوردىڭ ۇسىنۋى بويىنشا يننوۆاتسيالىق كلاستەر قاتىسۋشىلارىنىڭ تىزبەسىنە يننوۆاتسيالىق كلاستەردىڭ قامقورشىلىق كەڭەسى ەنگىزگەن زاڭدى تۇلعالار يننو­ۆاتسيالىق كلاستەردىڭ قاتىسۋشىلارى بولىپ تابىلادى. قور يننوۆاتسيالىق كلاستەر قاتىسۋشىلارىنىڭ تىزبەسىنە ەنگىزۋ ءۇشىن يننوۆاتسيالىق كلاستەردىڭ قامقورشىلىق كەڭەسىنە عىلىمي ۇيىمدار, تاۋەكەلمەن ينۆەستيتسيالاناتىن اكتسيونەرلىك ينۆەستيتسيالىق قورلار, ءبىلىم بەرۋ ۇيىمدارى, تەحنولوگيالىق پارك­تەر, سالالىق كونسترۋكتورلىق بيۋرولار, تەحنولوگيالاردى كوممەرتسيالاندىرۋ ورتالىقتارى, ۇلتتىق دامۋ ينستيتۋتتارى, ۇلتتىق باسقارۋشى حولدينگتەر, ۇلتتىق حولدينگتەر, ۇلتتىق كومپانيالار مارتەبەسى بار زاڭدى تۇلعالاردى ۇسىنادى. 3-تاراۋ. «يننوۆاتسيالىق تەحنولوگيالار پاركى» ارنايى ەكونوميكالىق ايماعىن  باسقارۋ ەرەكشەلىكتەرى 8-باپ. «يننوۆاتسيالىق تەحنولوگيالار پاركى» ارنايى ەكونوميكالىق ايماعىن باسقارۋ 1. «يننوۆاتسيالىق تەحنولوگيالار پاركى» ارنايى ەكونو­مي­كالىق ايماعىن باسقارۋدى قور جۇزەگە اسىرادى. قازاقستان رەس­پۋب­ليكاسىنىڭ ۇكىمەتى قوردىڭ قۇرىلتايشىسى بولىپ تابى­لادى. قور ءوز قىزمەتىن قور جارعىسىنىڭ نەگىزىندە جۇزەگە اسىرادى. 2. قوردىڭ شەتەلدىك قىزمەتكەرلەردى باسشى جانە جوعارى ءبىلىمدى ماماندار لاۋازىمدارىنا تارتۋى شەتەلدىك جۇمىس كۇشىن تارتۋعا بەرىلەتىن رۇقساتتاردى الماي جۇزەگە اسىرىلادى. 3. قوردىڭ فۋنكتسيالارىنا قازاقستان رەسپۋبليكا­سى­نىڭ ار­نا­يى ەكونوميكالىق ايماقتار تۋرالى زاڭ­ناماسىنا ءساي­كەس «يننوۆاتسيالىق تەحنولوگيالار پاركى» ارنايى ەكونو­مي­كا­­لىق ايماعىنىڭ باسقارۋ ورگانىنىڭ فۋنكتسيالارى, ين­نوۆاتسيالىق كلاستەردىڭ قامقورشىلىق كەڭەسى ايقىنداعان قاتىسۋ­شى­لار­دىڭ جوبالارىن قارجىلاندىرۋ, سونداي-اق قازاقستان رەسپۋب­ليكاسىنىڭ زاڭناماسىندا كوزدەلگەن وزگە دە فۋنكتسيالار جاتادى. يننوۆاتسيالىق كلاستەر قامقورشىلىق كەڭەسىنىڭ قاتىسۋ­شى­لاردىڭ جوبالارىن قارجىلاندىرۋ تۋرالى شەشىمى قاتىسۋشىلاردىڭ جوبالارى ساراپتاماسىنىڭ قورىتىندىسى نەگىزىندە قابىلدانادى. قاتىسۋشىلاردىڭ جوبالارىنا ساراپتاما جۇرگىزۋ قاعيدالارىن قازاقستان رەسپۋبليكاسىنىڭ پرەزيدەنتى بەكىتەدى. 9-باپ. قوردىڭ باسقارۋ ورگاندارى 1. باسقارۋشى كوميتەت قوردىڭ جوعارى باسقارۋ ورگانى بولىپ تابىلادى. قازاقستان رەسپۋبليكاسىنىڭ پرەمەر-ءمينيسترى باسقارۋشى كوميتەتتىڭ توراعاسى بولىپ تابىلادى. باسقارۋشى كوميتەت تۋرالى ەرەجەنى, سونداي-اق ونىڭ قۇرامىن باسقارۋشى كوميتەتتىڭ توراعاسى بەكىتەدى. 2. باسقارۋشى كوميتەتتىڭ ايرىقشا قۇزىرەتىنە: 1) قور جارعىسىنا وزگەرىستەر مەن تولىقتىرۋلار ەنگىزۋ; 2) قوردىڭ جىلدىق جانە ورتا مەرزىمدى بيۋدجەتتەرىن بەكىتۋ; 3) قوردىڭ تاۋارلاردى, جۇمىستاردى, كورسەتىلەتىن قىزمەتتەردى ساتىپ الۋ قاعيدالارىن بەكىتۋ; 4) قوردىڭ سىرتقى ءاۋديتىن جۇزەگە اسىراتىن اۋديتورلىق ۇيىمدى ايقىنداۋ; 5) وسى زاڭعا جانە قور جارعىسىنا سايكەس وزگە دە وكىلەتتىكتەر جاتادى. 3. باسقارۋشى كوميتەتتىڭ قۇرامىنا قۇرىلتايشىنىڭ وكىلدەرى, عىلىمي جانە پەداگوگ قىزمەتكەرلەر, قوعامدىق بىرلەستىكتەردىڭ وكىلدەرى, سونداي-اق وزگە دە ادامدار كىرەدى. 4. قوردىڭ اعىمداعى قىزمەتىنە باسشىلىقتى ونىڭ اتقارۋ­شى ورگانى جۇزەگە اسىرادى, ول القالى نەمەسە جەكە-دارا بولۋى مۇمكىن. قوردىڭ اتقارۋشى ورگانى باسقارۋشى كوميتەتتىڭ شەشىمدەرى نەگىزىندە جانە ولاردى ورىنداۋ ءۇشىن ارەكەت ەتەدى جانە وعان ەسەپ بەرەدى. قوردىڭ اتقارۋشى ورگانىنىڭ قۇرىلىمى, قۇزىرەتى, قالىپ­تاسۋ ءتارتىبى مەن وكىلەتتىك مەرزىمدەرى قور جارعىسىندا ايقىندالادى. 5. قوردىڭ اتقارۋشى ورگانى ارەكەتتەرىمەن جانە (نەمەسە) ارەكەتسىزدىگىمەن كەلتىرگەن زيان ءۇشىن قور الدىندا قازاقستان رەسپۋبليكاسىنىڭ زاڭدارىنا سايكەس جاۋاپتىلىقتا بولادى. 6. قوردا ونىڭ جارعىسىنا سايكەس وزگە دە ورگاندار قۇرىلۋى مۇمكىن. 10-باپ. قوردىڭ مۇلكى 1. قوردىڭ مۇلكى: 1) ەرىكتى م ۇلىكتىك جارنالار مەن قايىرمالدىقتار; 2) قازاقستان رەسپۋبليكاسىنىڭ جەر قويناۋى جانە جەر قويناۋىن پايدالانۋ تۋرالى زاڭناماسىنا سايكەس عىلىمي-زەرتتەۋ جۇمىستارىن, عىلىمي-تەحنيكالىق جۇمىستاردى جىل سايىن قارجىلاندىرۋ جونىندەگى مىندەتتەمەنى ورىنداۋ شەڭبەرىندە جەر قويناۋىن پايدالانۋشى جىبەرگەن اقشا; 3) قازاقستان رەسپۋبليكاسىنىڭ زاڭناماسىندا بەل­گى­لەنگەن جاعدايلاردا تاۋارلاردى, جۇمىستاردى وتكىزۋ­دەن جانە قىزمەتتەردى كورسەتۋدەن تۇسكەن تۇسىمدەر (كىرىستەر); 4) اكتسيالار, وبليگاتسيالار, باسقا دا باعالى قاعازدار جانە سالىمدار (دەپوزيتتەر) بويىنشا الىناتىن ديۆيدەندتەر (كىرىستەر, سىياقىلار (مۇددە); 5) قازاقستان رەسپۋبليكاسىنىڭ زاڭدارىندا تىيىم سالىنباعان باسقا دا كوزدەر ەسەبىنەن قالىپتاسادى. 2. قازاقستان رەسپۋبليكاسىنىڭ زاڭناماسىنا سايكەس قور مەملەكەتتىك تاپسىرما الۋعا قۇقىلى. قاتىسۋشىلاردىڭ جوبالارىن قارجىلاندىرۋ فۋنكتسيالارىن قوسپاعاندا, مەملەكەتتىك تاپسىرما قورعا قازاقستان رەسپۋبليكاسىنىڭ ارنايى ەكونوميكالىق ايماقتار تۋرالى زاڭناماسىنا سايكەس «يننوۆاتسيالىق تەحنولوگيالار پاركى» ارنايى ەكونوميكالىق ايماعىنىڭ باسقارۋ ورگانىنىڭ فۋنكتسيالارىن ورىنداۋعا بەرىلەدى. 3. وسى باپتىڭ 1-تارماعىنىڭ 2) تارماقشاسىنا سايكەس قور جەر قويناۋىن پايدالانۋشىدان العان اقشا تەك يننوۆاتسيالىق كلاستەردىڭ قامقورشىلىق كەڭەسى ايقىنداعان قاتىسۋشىلاردىڭ جوبالارى شەڭبەرىندە عىلىمي-زەرتتەۋ جۇمىستارىن جانە عىلىمي-تەحنيكالىق جۇمىستاردى قارجىلاندىرۋعا عانا پايدالانىلادى. بۇل رەتتە, قور: 1) اقشانى جىبەرۋ ءۇشىن بانك شوتىن اشادى; 2) قورعا جەر قويناۋىن پايدالانۋشىلار جىبەرگەن اقشانىڭ ەسەبىن ءاربىر جەر قويناۋىن پايدالانۋشى بويىنشا جەكە-جەكە, سون­داي-اق عىلىمي-زەرتتەۋ جۇمىستارىنا جانە عىلىمي-تەحني­كالىق جۇمىستارعا اقشانى پايدالانۋ ەسەبىن جۇرگىزۋگە مىندەتتى. 4. قوردىڭ وسى باپقا سايكەس قالىپتاستىرىلعان مۇلكى وعان مەنشىك قۇقىعىمەن تيەسىلى بولادى. 5. قور وسى باپتىڭ 1-تارماعىنىڭ 1), 3), 4) جانە 5) تارماق­شا­لارىنا سايكەس قالىپتاستىرىلعان م ۇلىكتى «يننوۆاتسيالىق تەحنولوگيالار پاركى» ارنايى ەكونو­ميكالىق ايماعىنىڭ قىزمەتى مەن جۇمىس ىستەۋىن قام­تا­ماسىز ەتۋ, سونداي-اق يننوۆاتسيالىق كلاستەردىڭ قام­قور­شىلىق كەڭەسى ايقىنداعان قاتىسۋشىلاردىڭ جوبالارىن قارجىلاندىرۋ ءۇشىن پايدالانادى. 6. قور مۇلكىنە قۇرىلتايشىنىڭ م ۇلىكتىك قۇقىقتارى بولمايدى. قۇرىلتايشى قوردىڭ مىندەتتەمەلەرى بويىنشا جاۋاپ بەرمەيدى, ال قور قۇرىلتايشىنىڭ مىندەتتەمەلەرى بويىنشا جاۋاپ بەرمەيدى. 11-باپ. قوردى قايتا ۇيىمداستىرۋ, تاراتۋ 1. قور قازاقستان رەسپۋبليكاسىنىڭ زاڭناماسىنا جانە قور جار­عىسىنا سايكەس قايتا ۇيىمداستىرىلۋعا, تاراتىلۋعا جاتادى. 2. قور تاراتىلعان كەزدە كرەديتورلاردىڭ تالاپتارى قاناعاتتاندىرىلعاننان كەيىن قالعان م ۇلىك قوردىڭ قۇرىلتاي قۇجاتتارىندا كورسەتىلگەن ماقساتتارعا جۇمسالادى. 4-تاراۋ. قورىتىندى جانە وتپەلى ەرەجەلەر 12-باپ. قازاقستان رەسپۋبليكاسىنىڭ يننوۆاتسيالىق كلاستەر تۋرالى زاڭناماسىن بۇزعانى ءۇشىن جاۋاپتىلىق قازاقستان رەسپۋبليكاسىنىڭ يننوۆاتسيالىق كلاستەر تۋرالى زاڭناماسىن بۇزۋ قازاقستان رەسپۋبليكاسىنىڭ زاڭدارىنا سايكەس جاۋاپتىلىققا اكەپ سوعادى. 13-باپ. وتپەلى ەرەجەلەر 1. وسى زاڭ قولدانىسقا ەنگىزىلگەن كۇننەن باستاپ التى اي ىشىندە قۇرىلتايشى جارعىلىق كاپيتالىنا مەملەكەت قاتىساتىن ءتيىستى زاڭدى تۇلعانى قايتا ۇيىمداستىرۋ ارقىلى قور قۇرۋ تۋرالى شەشىم قابىلدايدى. 2. «يننوۆاتسيالىق تەحنولوگيالار پاركى» ارنايى ەكونو­ميكالىق ايماعىنىڭ باسقارۋشى كومپانياسى «يننوۆا­تسيالىق تەحنولوگيالار پاركى» ارنايى ەكونوميكالىق ايماعىنىڭ باسقارۋ ورگانىنىڭ فۋنكتسيا­لارىن ول قازاقستان رەسپۋبليكاسىنىڭ زاڭناماسىندا كوزدەلگەن تارتىپپەن قور بولىپ قايتا قۇرىلعانعا دەيىن ورىندايدى. 14-باپ. وسى زاڭدى قولدانىسقا ەنگىزۋ ءتارتىبى وسى زاڭ العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەزيدەنتى ن.نازارباەۆ. استانا, اقوردا, 2014 جىلعى 10 ماۋسىم №207-V قرز