2022 جىلدىڭ قاڭتار-جەلتوقسان ايلارى ارالىعىندا ءمامس ءۇشىن استانا قالاسى بويىنشا 67,5 ملرد تەڭگە جارنا اۋدارىمدارى تۇسكەن. ال وتكەن جىلدىڭ جەلتوقسان ايىندا ەلوردالىقتار مىندەتتى الەۋمەتتىك مەديتسينالىق ساقتاندىرۋ ءۇشىن 6,9 ملرد تەڭگەدەن اسا جارنا اۋداردى. الەۋمەتتىك مەديتسينالىق ساقتاندىرۋ قورىنىڭ ەلوردا فيليالى ءباسپاسوز قىزمەتىنىڭ حابارلاۋىنشا, استانا قالاسى بويىنشا 2017 جىلدىڭ 1 شىلدەسى مەن 2022 جىلدىڭ 31 جەلتوقسانى ارالىعىندا مەديتسينالىق ساقتاندىرۋ ءۇشىن جيناقتالعان جارنانىڭ جالپى سوماسى 168,2 ملرد تەڭگەگە جۋىقتايدى.
«2022 جىلدىڭ قاڭتار-جەلتوقسان ايلارى ارالىعىندا ءمامس ءۇشىن استانا قالاسى بويىنشا 67,5 ملرد تەڭگە جارنا اۋدارىلعان. ونىڭ 37,8 ملرد تەڭگەگە جۋىعى – جۇمىس بەرۋشىلەردىڭ اۋدارىمدارى, ال جەكە كاسىپكەرلەردەن تۇسكەن جارنا – 29,7 ملرد تەڭگە (جالپى سومانىڭ 129,1 ملن تەڭگەدەن استامى بىرىڭعاي جيىنتىق تولەم (بجت) بويىنشا اۋدارىلعان). مىندەتتى الەۋمەتتىك مەديتسينالىق ساقتاندىرۋ ءۇشىن تۇسكەن بارلىق جارنا اۋدارىمدارى, ياعني جيناقتالعان قارجى, سەنىمگەرلىك باسقارۋ تۋرالى جاسالعان كەلىسىمشارتقا سايكەس, ۇلتتىق بانكتە ساقتالادى دا, مەديتسينالىق قىزمەتتەر اقىسىن تولەۋگە جۇمسالادى. تمككك جانە ءمامس پاكەتتەرى بويىنشا حالىققا كورسەتىلگەن مەديتسينالىق قىزمەتتەردىڭ ساپاسى مەن كولەمىنە مونيتورينگ جاساپ, تەكسەرگەننەن كەيىن عانا قور جەتكىزۋشىلەرىنە تولەم جۇرگىزىلەدى», دەپ تۇسىندىرەدى «الەۋمەتتىك مەديتسينالىق ساقتاندىرۋ قورى» كەاق استانا قالاسى بويىنشا فيليالىنىڭ ديرەكتورى نۇرلىبەك قابدىقاپاروۆ.
ەسكە سالامىز, 2022 جىلدىڭ 5 قىركۇيەگىنەن باستاپ 12 ايعا الدىن الا جارنا تولەۋ ارقىلى ءمامس جۇيەسىنە قاتىسۋدىڭ جاڭا تەتىگى ىسكە قوسىلدى. بۇرىن مەديتسينالىق ساقتاندىرۋعا جارنالاردى ەشقاشان تولەمەگەن نەمەسە جۇيەلى تۇردە تولەمەگەن, سونىڭ سالدارىنان ساقتاندىرۋ مارتەبەسىنەن ايىرىلعان دەربەس تولەۋشىلەرگە ونى قالپىنا كەلتىرۋ ءۇشىن وتكىزىپ العان ايلارعا, ءتىپتى وتكەن جىلعا دا جارنالاردى تولەۋ قاجەت ەدى. ەندى ولاردا بالاما ءادىس پايدا بولدى – جارنا اۋدارىلماعان وتكەن كەزەڭدى تولەمەي-اق, الداعى 12 اي ءۇشىن تولەم جاساۋ ارقىلى «ساقتاندىرىلعان» مارتەبەسىن الا الادى.
بىراق 12 ايعا بىردەن تولەم جاساۋعا بولمايدى, ويتكەنى جۇيە ءار اي ءۇشىن تولەمدى بولەك وقيدى, سوندىقتان ءار ايعا بولەك-بولەك تولەۋ كەرەك.
جارنالاردى تولەۋ كەزىندە قاتەلىكتەر جىبەرىلمەگەنىنە كوز جەتكىزۋ كەرەك. ايتپەسە, تولەم جۇيەگە تۇسپەيدى جانە سىزگە مارتەبە بەرىلمەيدى. ەنگىزىلگەن جسن, تولەم كەزەڭىنىڭ جانە تولەم ەنگىزىلەتىن جىلدىڭ دۇرىستىعىن قايتا تەكسەرىڭىز.
ەگەر ءبىر ايدا قاتە جىبەرىلسە نەمەسە ەكى رەت تولەنسە, قاتە تولەنگەن تولەمدى «ازاماتتارعا ارنالعان ۇكىمەت» مەملەكەتتىك كورپوراتسياسىنا ءوتىنىش جازۋ ارقىلى قايتارۋعا بولادى.
ءمامس جارنالارىن ەكىنشى دەڭگەيدەگى كەز كەلگەن بانك, بانكتەردىڭ ءموبيلدى قوسىمشالارى, جىلدام تولەم تەرمينالدارى جانە «قازپوشتا» فيليالدارى ارقىلى تولەۋگە بولادى.
«ەگەمەن-اقپارات»