ءار ايماقتىڭ ءوزىنىڭ شەتىن ماسەلەلەرى بار. ءوندىرىستى قاراعاندى ءۇشىن ونەركاسىپتەگى احۋال وزەكتى. سونىڭ ىشىندە كەنشىلەر پروبلەماسى بار. قاراعاندىنىڭ داڭقىن اسىرعان, تاۋەكەلى اسا جوعارى جاعدايدا ەڭبەك ەتەتىن كەنشىلەر تاعدىرى كومىر باردا كۇن تارتىبىندەگى ءبىرىنشى ماسەلە بولىپ قالا بەرمەك. جەتى قات جەر استىندا اۋىر جۇمىس ىستەيتىن ولاردىڭ ءۇنىن ەستۋ ءۇشىن 2021 جىلى كەلىسىم كوميسسياسى قۇرىلعان-تىن. بۇل كوميسسيا الدىڭعى جىلى اباي شاحتاسىنداعى اپاتتان سوڭ جاساقتالعانىن اتاپ ءوتۋ قاجەت.
سودان بەرى جۇيەلى تۇردە كەنشى ۇجىمىمەن كەزدەسىپ, ولاردىڭ ماسەلەلەرى تالقىلانادى. سونىڭ ناتيجەسىندە وسى كوميسسيا ارقىلى كەنشىلەردىڭ ءبىراز ۇسىنىس-تىلەگى ورىندالدى. ايماق باسشىسى ەرماعامبەت بولەكپاەۆ وتكىزگەن كومسسيانىڭ كەزەكتى وتىرىسىندا كەنشىلەر ەرتە زەينەتكە شىعۋدى پىسىقتاۋ ءۇشىن ەڭبەك جانە الەۋمەتتىك قورعاۋ مينيسترىمەن كەزدەسكىلەرى كەلەتىنىن جەتكىزدى.
– كەلىسىم كوميسسياسى تۇراقتى نەگىزدە جۇمىس ىستەيدى. كەنشىلەردى تولعاندىراتىن ماسەلەلەردىڭ كوپشىلىگى وڭ شەشىمىن تاپتى. بۇل, ارينە, ءبىزدىڭ كاسىپورىنداردىڭ تۇراقتى جۇمىسىنا ىقپال ەتەدى. بىراق ءبىز جاۋابىن كۇتكەن بىرقاتار جۇيەلى سۇراق بار, – دەيدى «قورعاۋ» كومىر وندىرۋشىلەر كاسىپوداعىنىڭ توراعاسى ەۆگەني بۋسلاەۆ. ونىڭ ەڭ باستىسى – ەرتە زەينەتكە شىعۋ. كەنشىلەر وسى ورايدا مينيسترلىكتىڭ ۇستانىمىن بىلگىسى كەلەدى. ول ءۇشىن ەڭبەك جانە الەۋمەتتىك قورعاۋ مينيسترمەن كەزدەسۋدى سۇرايدى. وبلىس اكىمى ە.بولەكپاەۆ بۇل ورايدا كومەك بەرەتىنىن ايتىپ وتىر.
سونىمەن قاتار وتىرىستا «ارسەلورميتتال تەمىرتاۋ» اق كومىر دەپارتامەنتىنىڭ شاحتالارىن دامىتۋ الەۋەتىن قاراستىرۋ دا ۇمىت قالعان جوق. كومپانيا وكىلدەرى شاحتالارعا قاتىستى ينۆەستيتسيالىق جوبالار, قۇرال-جابدىقتاردى جاڭارتۋ جونىندە باياندادى. ايماق باسشىسى «ارسەلورميتتال تەمىرتاۋ» باسشىلىعىنا ينۆەستيتسيالىق باعدارلامامەن ءار شاحتا ۇجىمىنىڭ تانىسۋعا تيىستىگىن اتاپ, ونى ۇجىمدارعا ۇسىنۋدى تالاپ ەتتى.
– بۇل اقپارات قولجەتىمدى بولۋى كەرەك. ينۆەستيتسيالىق تانىستىرىلىمدارمەن كاسىپورىنداردىڭ وزدەرى دە تانىسۋى قاجەت. كەزدەسۋلەر وتكىزىڭىزدەر, تالقىلاڭىزدار. كەنشىلەر ءوز شاحتالارىنىڭ بولاشاعىن كورىپ, بىلۋگە ءتيىس, – دەدى ە.بولەكپاەۆ. بۇل جولعى وتىرىستا كەنشىلەردى ساۋىقتىرۋ دا ءسوز بولدى. «شاحتەر» جانە «جارتاس» دەمالىس ءۇيى جوندەۋگە جابىلعان. دەگەنمەن كەنشىلەردىڭ قازاقستاننىڭ كەز كەلگەن شيپاجايىنا جولداما الۋىنا رۇقسات. كومپانيا جەتەكشىلەرى بۇل تۇرعىدا ەشبىر قيىندىق تۋىندامايتىنىنا ۋادە بەرەدى.
قاراعاندى وبلىسى