ەنەرگەتيكا ءمينيسترىنىڭ, قارجى ءمينيسترىنىڭ, ىشكى ىستەر ءمينيسترىنىڭ جانە ۇقك توراعاسىنىڭ بىرلەسكەن بۇيرىعىمەن ەلىمىزدەن اۆتوموبيل وتىنىن اكەتۋگە تىيىم سالۋ التى اي مەرزىمگە ۇزارتىلدى, دەپ حابارلايدى Egemen.kz.
«اۆتوموبيل كولىك قۇرالدارىن دايىنداۋشى زاۋىتتا كوزدەلگەن بەنزين باكتارىندا, قوسپالاردى ىرىكتەۋ جونىندەگى عىلىمي-زەرتتەۋ جۇمىستارىن جۇرگىزۋ ءۇشىن اۆياتسيالىق وتىندى اكەتۋدى قوسپاعاندا, مايلاۋ مايلارىن قوسپاعاندا, بەنزيندەردى, ديزەل وتىنىن جانە مۇناي ونىمدەرىنىڭ جەكەلەگەن تۇرلەرىن اۆتوموبيل كولىگىمەن قازاقستان رەسپۋبليكاسىنىڭ اۋماعىنان اكەتۋگە التى اي مەرزىمگە تىيىم سالۋ ەنگىزىلسىن. وسى بىرلەسكەن بۇيرىقتىڭ ورىندالۋىن باقىلاۋ ءتيىستى جولداماعا جەتەكشىلىك ەتەتىن ەنەرگەتيكا, قارجى, ىشكى ىستەر ۆيتسە-مينيسترلەرىنە جانە قر ۇلتتىق قاۋىپسىزدىك كوميتەتى توراعاسىنىڭ ورىنباسارى – شەكارا قىزمەتىنىڭ ديرەكتورىنا جۇكتەلسىن», دەلىنگەن قۇجاتتا.
بىرلەسكەن بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.