«ۇلتتىق» مارتەبەسى بار مادەنيەت ۇيىمدارى قىزمەتكەرلەرىنىڭ ەڭبەكاقىسى ەكى ەسەگە جۋىق ءوستى. بۇگىندە ەلىمىزدە وسىنداي 5 ۇيىم بار, الايدا مادەنيەت جانە سپورت مينيسترلىگى اتالعان نىسانداردىڭ ءتىزىمىن كەڭەيتۋدى جوسپارلاپ وتىر. بۇل تۋرالى بۇگىن كەڭەيتىلگەن القا وتىرىسىندا مينيستر اسحات ورالوۆ ايتتى, دەپ حابارلايدى Egemen.kz.
مينيستر بيىل مادەنيەت سالاسىنىڭ تارتىمدىلىعىن ارتتىرۋ ماقساتىندا اۋقىمدى جۇمىستار جۇرگىزىلەتىنىن ايتتى.
«بيىل دا سالا قىزمەتكەرلەرىنىڭ الەۋمەتتىك جاعدايىن جاقسارتۋ نازاردان تىس قالمايدى. شىعارماشىلىق جوعارى وقۋ ورىندارىنداعى كونتسەرتمەيستەرلەر, سونداي-اق ۇرمەلى مۋزىكالىق اسپاپتاردا وينايتىن مەملەكەتتىك مادەنيەت ۇيىمدارىنىڭ قىزمەتكەرلەرى, بي ءانسامبلى ارتيستەرىنىڭ ءال-اۋقاتىن كوتەرۋ جوسپارلانىپ وتىر. وسى ورايدا زاڭنامالىق اكتىلەرگە ءتيىستى وزگەرىستەر ەنگىزۋ جۇمىستارى باستالىپ كەتتى», دەدى اسحات ورالوۆ.