بۇگىن ساعات 13.36-دا جەتىسۋ وبلىسى قاراتال اۋدانى ۇشتوبە قالاسىنداعى جەكە تۇرعىن ۇيدە كولەمى 5 ليتر بولاتىن گاز باللونى جارىلدى, دەپ حابارلايدى Egemen.kz جەتىسۋ وبلىسى تجد ءباسپاسوز قىزمەتىنە سىلتەمە جاساپ.
وقيعا سالدارىنان ءتورت ادام, ونىڭ ىشىندە ءبىر بالا مەديتسينالىق مەكەمەگە جاتقىزىلدى. 1956 جانە 1980 جىلى تۋعان ەكى ايەل دەنەسىنىڭ 40-50% كۇيىكتەرىمەن جانساقتاۋ بولىمىندە جاتىر. 1961 جىلى تۋعان ەر ادامنىڭ قولىن ورتاشا اۋىرلىقتا كۇيىك شالعان, 2019 جىلى تۋعان بالا قول مەن اياقتىڭ جەڭىل كۇيىكتەرىن العان.
جەتىسۋ وبلىسى توتەنشە جاعدايلار دەپارتامەنتىنىڭ 5 قىزمەتكەرى 2 بىرلىك تەحنيكا كۇشىمەن ءورتتى ساعات 14.15-تە ءسوندىردى.
ءورت قاتتى وتىنمەن جىلىتىلاتىن پەشتىڭ جانىنداعى 5 ليترلىك گاز باللونىنىڭ جارىلۋىنان بولعان.
تجد ازاماتتاردى ءورت قاۋىپسىزدىگى ەرەجەلەرىن ساقتاۋعا جانە گاز باللونداردى جىلىتۋ پەشتەرىنىڭ جانىندا جانە باسقا دا جىلدام قىزدىرۋ تاسىلدەرى ارقىلى جىلىتپاۋعا كەڭەس بەردى.