قاراعاندى قالاسىنىڭ وقۋشىلارى الداعى ۋاقىتتا قوعامدىق كولىكتەردە تەگىن جۇرەتىن بولادى. ال وبلىس ورتالىعىندا 7 جاستان 18 جاسقا دەيىنگى 110 مىڭعا جۋىق بالا بار. قالادا ەلەكتروندى بيلەت تولىق جولعا قويىلعان. وسى ورايدا وبلىس اكىمى ەرماعانبەت بولەكپاەۆتىڭ ارنايى تاپسىرماسىمەن وقۋشىلاردىڭ قاراعاندىدا تەگىن جول ءجۇرۋى قامتاماسىز ەتىلمەك. ەندىگى قۇزىرلى ورىندارعا بۇل جونىندە تاپسىرما, مىندەتتەر جۇكتەلگەن.
– ەكى جىلدان بەرى قالا مەكتەپتەرىندە وقيتىن بالالارعا تەگىن ىستىق تاماق بەرىلەدى. وسى جىلدان باستاپ ءبىز بارلىق قاراعاندىلىق وقۋشىلار مەن 18 جاسقا دەيىنگى ستۋدەنتتەر ءۇشىن تەگىن جول ءجۇرۋدى ەنگىزۋدى قاراستىرىپ جاتىرمىز. بۇل ءبىزدىڭ بالالارىمىزعا ۇتقىر بولۋعا جانە قالانىڭ كەز كەلگەن جەرىندە ورنالاسقان ۇيىرمەلەر مەن وزدەرى قىزىعۋشىلىق تانىتقان سەكتسيالارعا قاتىسۋعا مۇمكىندىك بەرەدى. بۇل بارلىق وتباسىنا ۇلكەن قولداۋ بولادى. سونداي-اق بۇگىن №44 مەكتەپتىڭ ۇستازدارىمەن جانە وقۋشىلاردىڭ اتا-انالارىمەن كەزدەستىم. وكىنىشكە قاراي 1947 جىلى سالىنعان بۇل عيمارات اپاتتى جاعدايدا جانە قالپىنا كەلتىرۋگە كەلمەيدى. ونىڭ ورنىنا جاڭا وقۋ عيماراتىن سالۋدى جوسپارلاپ وتىرمىز. قازىرگى ۋاقىتتا وقۋشىلار مەن مۇعالىمدەر ۋاقىتشا №64 مەكتەپكە اۋىستىرىلدى. مەكتەپ 600 وقۋشىعا ارنالعان, سوندىقتان ورىن تاپشىلىعى بولمايدى, – دەدى ءوڭىر باسشىسى ەرماعانبەت بولەكپاەۆ.
قاراعاندى