سىرتقى ىستەر مينيسترلىگى يتاليادا قايتىس بولعان قازاقستان ستۋدەنتىنىڭ ولىمىنە قاتىستى اقپاراتقا تۇسىنىكتەمە بەردى, دەپ حابارلايدى Egemen.kz.
ۆەدومستۆو 27 جاستاعى ستۋدەنتتىڭ جول اپاتىنان قايتىس بولعانىن راستادى. قازىرگى ۋاقىتتا مينيسترلىك مارقۇمنىڭ دەنەسىن قازاقستانعا جونەلتۋ جۇمىستارىن باستادى.
ءبىر كۇن بۇرىن يتالياندىق باق سالەرنو قالاسىندا قازاقستان ستۋدەنتىنىڭ قايتىس بولعانىن حابارلادى. قايعىلى وقيعا 17 قاڭتار كۇنى كەشكە بولعان. سالەرنو ۋنيۆەرسيتەتىنىڭ 27 جاستاعى دوكتورانتى كوشەدەن ءوتىپ بارا جاتقاندا, ونى مەركاتو سان-سەۆەرينو قالاسىنىڭ 20 جاستاعى تۇرعىنى باسقارعان سۇر ءتۇستى Peugeot 308 كولىگى جاياۋ جۇرگىنشىلەر وتكەلىندە قاعىپ كەتكەن.
وقيعا ستانيسلاو ليستا كوشەسىندە, دجۋزەپپە ۆەردي اتىنداعى وپەرا تەاترىنىڭ جانىندا ورنى الدى.