«EWA» قازاقشا سويلەيدى

وقۋشىلار وزدەرى ويلاپ تاپ­قان «اقىلدى» قۇرىلعىعا اۆ­تور­لىق قۇقىق الىپ, ەندى ساۋداعا شى­­عارۋ جاعىن ويلاستىرىپ جاتىر. ونەرتاپقىش قىزداردىڭ ەكەۋى دە 12 «س» سىنىبىندا وقي­دى. ساباقتان تىس ۋاقىتتا ونەر­تا­بىسپەن اينالىسادى.

– «EWA» – ەرەكشە ينتەل­لەكتۋالدى-اقپاراتتىق كومەك­شى. بۇل اقىلدى ديناميكتىڭ كور­سەتەتىن قىزمەتى دە سان الۋان. مىسالى, بولمەدەگى اۋا تەمپەراتۋراسىن, ونداعى گاز مولشەرىن انىقتايدى. ونى وندىرىستە دە, ۇيدە دە قول­­دانۋعا بولادى. «EWA» ما­­­تە­ماتيكا, فيزيكا, حيميا, بيو­­لوگيا پاندەرى بو­يىنشا ەسەپتەردى شەشىپ, تاپ­سىرما ورىن­داي الا­دى. سونىمەن قا­تار ۋي­كي­پە­دياداعى مالىمەت­تەردى بايان­داپ, ەرتەگى ايتا­دى. ءتۇر­لى بۇي­رىقتاردى ورىنداپ, ۇيدە شام جاعىپ, وشىرە الادى, – دەيدى ءامينا ىس­قا­قوۆا.

جاس ونەرتاپقىشتار «EWA»-نى 2-3 ايدىڭ ىشىندە جا­­­ساپ شى­عارعان. ۋاقىتتىڭ كوبى اق­پارات قو­رىن جۇكتەۋگە جانە قازاق ءتىلىن ەن­گىزۋگە كەتكەن كورىنەدى.

– ءبىز ءاۋ باستا ءوزىمىز جاساپ جات­قان قۇرىلعى مىندەتتى تۇردە قا­زاقشا ءتۇسىنىپ, سويلەي الۋى كە­رەك دەگەن ماقسات قوي­دىق. قۇ­رىلعى كومپيۋتەر ارقىلى داۋىس­تايدى. بۇل داۋىستىڭ ءبارىن ادام­عا وقى­تۋعا شامامىز جەتپەدى. مۇن­داي تەح­نيكاعا ادام داۋسىن ەنگىزۋ ءۇشىن كاسىبي ديكتورمەن 270 ساعات بويى جۇمىس ىستەۋ كەرەك. وعان ءبىز­دىڭ ۋاقىتىمىز دا, قارجىمىز دا بول­مادى. سون­­دىقتان ادامنىڭ داۋ­سىن كومپيۋتەردىڭ داۋسىنا ال­­­ماس­­تىردىق, – دەيدى سوفيا سي­­ني­تسينا.

قوستاناي وبلىسى