ۇلتتىق ستاتيستيكا بيۋروسى ۇسىنعان دەرەكتەرگە قاراعاندا, 2022 جىلدىڭ قاڭتار-جەلتوقسان ايلارىندا تۇرعىن ءۇيدىڭ جالپى اۋماعىن پايدالانۋعا بەرۋ 8,8%-عا ازايعان, دەپ حابارلايدى Egemen.kz.
ماسەلەن, وتكەن جىلى تۇرعىن ۇيلەردىڭ جالپى سانىنان:
جالپى اۋدانى 8 843,9 مىڭ م2 بولاتىن 1540 كوپپاتەرلى ءۇي پايدالانۋعا بەرىلدى, بۇل 2021 جىلعا قاراي 91,5%-دى قۇرادى; جالپى اۋدانى 6 499,8 مىڭ م2 36 365 جەكە تۇرعىن ءۇي پايدالانۋعا بەرىلدى, بۇل 2021 جىلعا قاراي 92,6%-دى قۇرادى.بۇل رەتتە, 2022 جىلى تۇرعىن ءۇيدىڭ جالپى الاڭىنىڭ شارشى مەترىن سالۋعا جۇمسالعان ورتاشا ناقتى شىعىندار 12,2%-عا ءوستى.
رەسپۋبليكانىڭ 14 وڭىرىندە تۇرعىن ءۇيدى پايدالانۋعا بەرۋدىڭ ۇلعايۋى بايقالدى. ءوسۋ قارقىنى بويىنشا پاۆلودار وبلىسى (32,1%-عا), ودان كەيىن شىعىس قازاقستان وبلىسى (15,4%-عا) جانە جەتىسۋ وبلىسى (8,8%-عا) كوش باستاپ تۇر.
سونىمەن قاتار, ۇلىتاۋ (29,6%-عا), ماڭعىستاۋ (15,1%-عا), سولتۇستىك قازاقستان (13,1%-عا) جانە اتىراۋ (7,8%-عا) وبلىستارىندا, سونداي-اق استانا (24,7%-عا) جانە الماتى (34,6%-عا) قالالارىندا تۇرعىن ءۇي پايدالانۋعا بەرىلدى.