استانادا وسى اپتادا وتەتىن ءىس-شارالار

مەملەكەتتىك اكادەميالىق فيلارمونيادا 19 قاڭتار كۇنى كەشكى ساعات 19:00-دە قازاقستاننىڭ ەڭبەك گەرو, كسرو جانە قازاقستان حالىق ءارتىسى, مەملەكەتتىك سىيلىقتىڭ لاۋرەاتى, پروفەسسور ەركەعالي راحماديەۆتىڭ ۆوكالدىق شىعارماشىلىعىنا ارنالعان «تاڭ سامالى» كونتسەرتى وتەدى.

وسى اپتا بويى تاڭعى 9:00-دەن 18:00-گە دەيىن «جاستار» سارايىندا «ونەر فونتانى» ءينتۋيتيۆتى كەسكىندەمە بويىنشا سۋرەتتەر كورمەسى مەن شەبەرلىك سىنىپتارى وتەدى.

21 قاڭتار كۇنى كەشكى ساعات 20:00-دە ساراي ساحناسىندا گلەب سامويلوۆ «اگاتا كريستي» توبىنىڭ 35 جىلدىعىنا ارنالعان باعدارلامامەن ونەر كورسەتەدى.

17 قاڭتار كۇنى تۇستەن كەيىن «الجير» مۇراجاي-مەموريالدىق كەشەنى «لاگەردە اتىلعان ايەلدەر...» اتتى ءدارىسىن وتكىزەدى. مۇندا 19 قاڭتار كۇنى «ۇرپاقتار جادىندا» كورمەسى اشىلادى.

«اتامەكەن» قازاقستان كارتاسى» ەتنو-مەموريالدىق كەشەنىندە 18 قاڭتار كۇنى ساعات 11:00-دە احمەت بايتۇرسىنوۆتىڭ تۋعانىنا 150 جىل تولۋىنا وراي دوڭگەلەك ۇستەل ۇيىمداستىرىلادى.

ال 20 قاڭتارعا دەيىن ساكەن سەيفۋللين مۇراجايىندا «ساكەن جانە گۇلباھرام» فوتوسۋرەتتەر كورمەسىن تاماشالاۋعا بولادى. 17 قاڭتاردا تمد حالىق شىعارماشىلىعى جانە مادەني مۇرا جىلىنا ارنالعان ءدارىس, 18 قاڭتاردا كۇلاش احمەتوۆانىڭ «ساكەنىڭ قاراشاڭىرى» ماقالاسى نەگىزىندە ءدارىس, 19 قاڭتاردا «ۇلت ماقتانىشى» دەرەكتى ءفيلمى كورسەتىلەدى. سونىمەن قاتار 20-24 قاڭتار ارالىعىندا مۇراجايدىڭ اشىلعانىنا 35 جىل تولۋىنا وراي «لاتىن جانە توبە قارپىمەن جازىلعان ساكەن شىعارمالارى» كورمەسى ۇيىمداستىرىلادى.

وقۋشىلار اراسىندا احمەت بايتۇرسىنوۆتىڭ 150 جىلدىعىنا, سونداي-اق كامەلەتكە تولماعاندار اراسىنداعى قۇقىق بۇزۋشىلىقتاردىڭ الدىن الۋ بويىنشا سىنىپ ساعاتتارىن 17 جانە 19 قاڭتاردا تاريحي-مادەني مۇرا ەسكەرتكىشتەرى مەن وبەكتىلەرىنىڭ ساقتالۋىن قامتاماسىز ەتۋ ورتالىعى وتكىزەدى.

م. گوركي اتىنداعى مەملەكەتتىك اكادەميالىق ورىس دراما تەاترىندا وسى اپتادا ءتورت قويىلىم كورسەتەدى. 17 قاڭتاردا ساعات 19:00-دە م.ماكدوناحتىڭ دەتەكتيۆى «جاستىق ادام», كەشكە ر. باەردىڭ «ارالاس سەزىمدەر» مەلودراماسىن كورۋگە بولادى. 21 قاڭتار كۇنى ساعات 11:00-دە بۇلدىرشىندەرگە م.ءسۋپونيننىڭ «ەشكى-دەرەزا» ەرتەگىسى ۇسىنىلادى, ال كەشكە جۇرتشىلىقتى ۆ.شۋكشيننىڭ «سۆەتلىە دۋمى» اڭگىمەلەرى بويىنشا ساحنالىق قويىلىم كۇتەدى.

20-22 قاڭتار ارالىعىندا ەلوردالىق قۋىرشاق تەاترى م.ارعىمباەۆانىڭ «ەلۆين جانە سيقىرلى ورمان تۇرعىندارى» قويىلىمىن تاماشالاۋعا بولادى.

21 قاڭتار كۇنى ساعات 19:00-دە «جاستار» تەاترىندا د.فو, ا. راحات, ل. ەگەمبەرديەۆانىڭ «مۇڭ» پرەمەرالىق دراماسى كورسەتىلەدى. كەشكىسىن ساحنادا ن.جاقىپبايدىڭ «جانارىمداعى جالعىزىم اۋەن» اتتى تەاترلاندىرىلعان كونتسەرتتىك باعدارلاماسى وتەدى.

Nomad City Hall زالىندا 18 قاڭتاردا استانالىقتارعا «الاش جولى» سپەكتاكلى, ال 20 قاڭتاردا «ريچارد III» قويىلىمى ۇسىنىلادى.

مۋزىكالىق جاس كورەرمەن تەاترى 19 قاڭتاردا «شانەل №5» دەرەكتى دراماسىنا شاقىرادى, كەشكە ء«شامشى» ميۋزيكلى كورسەتىلەدى. 22 قاڭتاردا كورەرمەندەردى «ماحاببات بار ما؟» كومەدياسى كۇتەدى.

وسى اپتادا قالالىق كىتاپحانالاردا وقىرماندار مەن وقۋشىلار ءۇشىن بالالاردىڭ وي-ءورىسىن كەڭەيتۋگە, ولاردىڭ كورنەكتى قايراتكەرلەردىڭ ونەرى مەن شىعارماشىلىعىمەن تانىسۋعا باعىتتالعان وزەكتى تاقىرىپتار بويىنشا تانىمدىق ساعاتتار وتكىزىلەدى.

18 قاڭتار كۇنى ساعات 13:00-دە №5 بۇقارالىق كىتاپحانادا «وليمپيادالىق رەزەرۆتەر» سپورتتىق ەستافەتاسى, 15:00-دە «قازاقتىڭ حالىق كومپوزيتورلارى-قۇرمانعازى» تانىمدىق ساعاتى وتەدى. 19 قاڭتار كۇنى ساعات 15:00-دە №2 بالالار كىتاپحاناسىندا وقىرماندارعا ارناپ اقپارات ساعاتى وتەدى. سونىمەن قاتار №5 كىتاپحانا قۇرمانعازى ساعىرباي ۇلىنىڭ تۋعانىنا 200 جىل تولۋىنا وراي «كۇي اتاسى اتانعان قۇرمانعازى» مۋزىكالىق ساعاتىن وتكىزەدى. 20 قاڭتار كۇنى ساعات 14:00-دە №12 كىتاپحانادا ابىلاي حاننىڭ تۋعانىنا 312 جىل تولۋىنا وراي ء«وزىن قولباسشى جانە باتىر رەتىندە دارىپتەگەن» تاقىرىبىندا تاريحي پورترەت - ءىس-شارا ۇيىمداستىرىلادى, ءبىر ساعاتتان كەيىن №15 كىتاپحانا مۇرات اۋەزوۆتىڭ 80 جىلدىعىنا وراي ادەبي ءىس-شاراعا شاقىرادى.