سوڭعى كۇندەرى ەلوردانىڭ تروتۋارلارى مەن جولدارىندا اۋا تەمپەراتۋراسىنىڭ كۇرت وزگەرۋىنە بايلانىستى كوكتايعاق بايقالادى. قالانىڭ كوممۋنالدىق قىزمەتتەرى تاۋلىك بويى كۇرەۋ جۇمىسىن, سونداي-اق جول جانە جاياۋ جۇرگىنشىلەر بولىگىنىڭ اۋماعىن مۇزدان تازارتۋدى بەلسەندى جۇرگىزىپ جاتىر, دەپ حابارلايدى Egemen.kz استانا اكىمدىگىنىڭ رەسمي سايتىنا سىلتەمە جاساپ.
قار كۇرەۋ جۇمىسى بەلسەندى ءجۇرىپ جاتىر. تاڭەرتەڭنەن باستاپ ەكى مىڭنان استام جول جۇمىسشى مەن مىڭنان استام ارنايى تەحنيكا جۇمىلدىرىلدى.
17 قاڭتارعا قاراعان ءتۇنى ەلوردادان 32 مىڭ تەكشە مەتر قار نەمەسە 2 535 اۋىر جۇك كولىگىنە تەڭ قار شىعارىلدى. قىس مەزگىلىنىڭ باسىنان بەرى پوليگوندارعا شامامەن 2,2 ملن تەكشە مەتر قار مەن مۇز نەمەسە 177 مىڭنان استام رەيس شىعارىلدى.
سونداي-اق قالانىڭ بارلىق اۋدانىندا – قوعامدىق ورىنداردا, كۆارتالىشىلىك اۋماقتاردا, تروتۋارلاردا, ايالداما پاۆيلوندارىندا جانە ت.ب. قۇم-تۇز قوسپاسىن سەبۋ جۇرگىزىلىپ جاتىر.
تايعاق جەرلەردە قۇلاپ, جاراقات الماس ءۇشىن ەلوردا تۇرعىندارى مەن قوناقتارى قوزعالىس ەرەجەسىن قاتاڭ ساقتاۋى كەرەك.