پرەمەر-ءمينيستردىڭ ورىنباسارى – قارجى ءمينيسترى ەرۇلان جاماۋباەۆ مەملەكەت باسشىسىنىڭ تاپسىرمالارىن ورىنداۋ جونىندە كەڭەس وتكىزدى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
جۇمىس توبى اياسىندا ۇلتتىق ەكونوميكا مينيسترلىگىنىڭ سالىق جانە بيۋدجەت كودەكستەرىنىڭ جوباسىنىڭ ازىرلەۋ بارىسى تۋرالى مالىمەتى تىڭدادى.
ەرۇلان جاماۋباەۆ ۇلتتىق ەكونوميكا مينيسترلىگىنە بىرلەسكەن مۇددەلى مەملەكەتتىك ورگاندارمەن جانە «اتامەكەن» ۇكپ-مەن بىرلەسىپ, قولدانىستاعى سالىقتىق جەڭىلدىكتەر مەن پرەفەرەنتسيالاردى ەكونوميكا سەكتورلارى, ونىڭ ىشىندە بانك سەكتورى جاعدايىندا ولاردىڭ تيىمدىلىگى تۇرعىسىنان تالداۋدى, اقپان ايىنىڭ ءبىرىنشى ونكۇندىگىندە تالقىلاۋ ءۇشىن سالىق جانە بيۋدجەت كودەكستەرى جوباسىنىڭ تۇجىرىمدامالىق ماسەلەلەرى بويىنشا ۇسىنىستار ازىرلەۋدى جۇكتەدى.
سونداي-اق ەرۇلان جاماۋباەۆقا «ۇلتتىق قور – بالالارعا» جوباسىنىڭ جۇزەگە اسىرىلۋى تۋرالى باياندالدى. بۇگىنگى تاڭدا مۇددەلى مەملەكەتتىك ورگاندار ءتيىستى نورماتيۆتىك قۇقىقتىق اكتىلەردى ازىرلەۋگە كىرىستى.