ۇلىتاۋ وبلىسى اۋماعىندا كيىكتەردىڭ قالىڭ ءنوپىرى بايقالا باستادى, دەپ حابارلايدى Egemen.kz وبلىس اكىمدىگىنىڭ ءباسپاسوز قىزمەتىنە سىلتەمە جاساپ.
مۇنداي جاعداي اشاتۇياقتى جانۋارلاردىڭ جىلى جاققا قونىس اۋدارىپ ۇلگەرمەۋلەرىنىڭ سالدارىنان تۋىنداعان.
« ۇلىتاۋ وبلىسى اكىمىنىڭ ۇيىمداستىرۋىمەن «قازاقستان رەسپۋبليكاسى ەكولوگيا جانە تابيعي رەسۋرستار مينيسترلىگى ورمان شارۋاشىلىعى جانە جانۋارلار دۇنيەسى كوميتەتى ۇلىتاۋ وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسى» رمم, ۇلىتاۋ وبلىسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسى مم, «وحوتزووپروم» ءوب رمقك-ءنىڭ ماماندارى جانە جاڭاارقا اۋدانىنىڭ اكىمدىگىمەن قوسا جانۋارلارعا اسا قاۋىپتى ايماق سانالاتىن تەمىرجول بويىندا ورنالاسقان تەمىر تورلاردى اشىپ, كيىكتەردىڭ توسقاۋىلسىز وتۋىنە جاعداي جاسادى», دەپ جازىلعان حابارلامادا.
ايتا كەتەيىك, بۇل جۇمىستارعا قازاقستان رەسپۋبليكسىنىڭ قتج باسقارماسى كومەكتەسىپ جاتىر.