حوككەيدەن قازاقستاننىڭ ستۋدەنتتىك قۇراماسى لەيك-پلەسيدتە (اقش) ءوتىپ جاتقان ۋنيۆەرسيادادا سلوۆاكيا قۇراماسىن جەڭدى, دەپ حابارلايدى Egemen.kz Sports.kz سايتىنا سىلتەمە جاساپ.
قازاقستان سلوۆاكيانى 4:0 ەسەبىمەن ۇتتى. شايبالاردى ماكسيم مۇحامەتوۆ (8-مينۋتتا), ستانيسلاۆ الەكساندروۆ (10-مينۋتتا), باتىرلان مۇراتوۆ (20-مينۋتتا) جانە ولەگ بويكو (29-مينۋتتتا) سوقتى.
وسىلايشا, قازاقستان قۇراماسى لەيك-پلەسيدتەگى ۋنيۆەرسيادادا قاتارىنان ءتورتىنشى ءىرى جەڭىسكە جەتتى. بۇعان دەيىن وڭتۇستىك كورەيانى (5:1), ۆەنگريانى (9:1) جانە ۇلىبريتانيانى (15:1) جەڭگەن بولاتىن. سونداي-اق قازاقستان 2019 جىلى كراسنويارسك قالاسىندا (رەسەي) وتكەن ۋنيۆەرسيادادا جەڭىلگەنى ءۇشىن سلوۆاكيادان ەسەسىن قايتارا الدى.