قۇندىلىقتى دارىپتەگەن كەزدەسۋ

تۇلعانىڭ مەرەيتويىنا ارنالعان شارانى قۇتتىقتاۋ سوزبەن اشقان مادەنيەت جانە سپورت ءمينيسترى اسحات ورالوۆ «اسىلدىڭ سىنىعى, تۇتاس الاش جۇرتىنا ورتاق ارداقتى تۇلعا مۇرات اۋەزوۆتىڭ 80 جاس­قا تولۋىنا وراي قارا شاڭى­راقتا جينالعان زيالى قاۋىم, مەملەكەت جانە قو­عام قايراتكەرلەرى, قادىرلى قالام­گەرلەرمەن كەزدەسۋ ۇلتتىق قۇن­دىلىقتارىمىزدى ساقتاۋ مەن دارىپتەۋ, مادەنيەتىمىز بەن ادەبيەتىمىزدى دامىتۋعا قا­تىستى ماسەلەلەر ايتىلاتىن تاعىلىمدى كەزدەسۋگە اينالدى. مۇرات اۋەزوۆشە ايتقاندا, ء«ار ادام ۇلتتىڭ تاعدىرىنا قاراستى ماسەلەگە جان-جۇرەگىمەن بەرىلۋى كەرەك». الماتى تورىندە وتكەن القالى جيىننىڭ نەگىزى مەرەيتوي بولعانىمەن, مازمۇنى ۇلتتىق قۇندىلىقتارىمىزدى دارىپتەۋگە باعىتتالدى» دەپ اتاپ ءوتتى.

الماتى قالاسى مادەنيەت باسقارماسىنىڭ باسشىسى عاني مايلىباەۆ, ۇلت­تىق كىتاپحانا ديرەكتورى باقىتجامال وس­پانوۆا مەرەيتوي يەسىنىڭ حال­قى­مىزدىڭ رۋحاني دامۋى, تاري­حي-مادەني مۇرامىزدىڭ ساق­تالۋى مەن جاڭعىرۋى جو­لىن­داعى زور ەڭبەگىنە توقتالدى.

القالى باسقوسۋدى «قازاق راديولارى» جشس الماتى ستۋدياسىنىڭ جەتەكشىسى با­قىت جاعىپار ۇلى جۇرگىزىپ, ۇلت مۇددەسى جولىنداعى كۇ­رەس­كەر تۇلعا مۇرات مۇح­تار­ ۇلىنا جىلى لەبىز بىلدىرۋ­گە كەلگەن قاۋىمعا ءسوز كەزەگىن ۇسىندى.

قازاقستاننىڭ جانە حال­قىمىزدىڭ رۋحاني مادەنيەتىن دامىتۋعا, ورتالىق ازيا حا­لىق­تارىنىڭ تاريحي-مادەني قۇندىلىقتارىن زەردەلەۋ مەن ناسيحاتتاۋعا ولشەۋسىز ەڭبەگى بۇگىندە جوعارى باعا­سىن الىپ, كوپتەگەن جوبا­لارعا نەگىز بولدى. «مادەني مۇرا» مەملەكەتتىك باعدارلاماسىن جۇزەگە اسىرۋ­داعى, «سوروس-قازاقستان» قو­رىنىڭ باسشىسى رەتىندەگى قايراتكەرلىك باستامالارى مەن يگى ىستەرى كۇنى بۇگىن دە جالعاسىن تاۋىپ كەلەدى.

«جاس تۇلپار» بەيرەسمي جاستار قوزعالىسىنىڭ ۇيىم­داس­تىرۋشىسى, «جىبەك جو­لىن­داعى سۇحباتتار» حالىقارالىق مادەني جوباسىنىڭ باستاما­شىسى رەتىندەگى جانە ديپ­لوماتياداعى قىزمەتى دە مۇ­رات مۇحتار ۇلىنىڭ بۇل باعىتتاعى ميسسيا­سىن تولىعىمەن ايشىق­تاپ تۇر. «ۋا­قىت ارقاۋى», «م.م.اۋە­زوۆ». تەلەەسسە» تە­لە­باع­دار­لامالارىنىڭ اۆتورى جانە جۇرگىزۋشىسى رەتىندەگى جانە ءوز قالامىنان تۋعان «ۆرەمەن سۆيازۋيۋششايا نيت», «يپپوكرەنا. حوجدەنيا ك كو­لودتسام ۆرەمەن», «ۋي­تي چتوبى ۆەرنۋتسيا», «گلاۆپوچتامپت», ء«دىلىم» ەڭبەكتەرى مەن 200-دەن استام ماقالاسى قازاق حالقىنىڭ دۇنيەتانىمىن كەڭەيتۋدى ماقسات ەتكەن قۇندى ەڭبەكتەر رەتىندە بەلگىلى.

القالى جيىن بارىسىن­دا «مادەنيەتتەردى جاقىن­داستىرۋ حالىقارالىق ورتا­لى­عىنىڭ» ديرەكتورى ولجاس سۇلەيمەنوۆ, تۇركى دۇنيەسى ادەبي سىيلىعىنىڭ لاۋ­رەاتى سماعۇل ەلۋباي, اباي اتىنداعى مەملەكەتتىك سىيلىقتىڭ لاۋرەاتى باقىتجان قانا­پيانوۆ, حالىقارالىق د.قو­ناەۆ قورىنىڭ پرەزي­دەن­تى ەلدار قوناەۆ, قازاق­ستان­نىڭ ەڭبەك سىڭىرگەن قاي­رات­كەرى تورەگەلدى شارمانوۆ, قازاق پەن كلۋبىنىڭ پرە­زيدەنتى بيگەلدى عابدۋللين «اتامۇرا» كورپوراتسياسىنىڭ پرەزيدەنتi راقىمعالي قۇل-­مۇحاممەد, م.اۋەزوۆ اتىن­داعى ادەبيەت جانە ونەر ينستيتۋتىنىڭ ديرەكتورى كەنجەحان ماتىجانوۆ, قا­زاق­ستان جازۋشىلار وداعى تور­اعاسىنىڭ ورىنباسارى باقىت بەدەلحان, «Altyn Qyran Foundation» قورى قام­قور­شىلار كەڭەسىنىڭ توراعاسى يسلامبەك سالجانوۆ, تاعى دا باسقا زيالى قاۋىم وكىلدەرى مۇرات مۇحتار ۇلىنىڭ ۇلت­تىق مۇددە جولىنداعى قىز­­­مەتىنە ەرەكشە توقتالىپ, ال­­داعى يگى ىستەرىنە ساتتىلىك تىلەدى.

كەزدەسۋ اياسىندا مۇ­رات اۋەزوۆتىڭ قىزمەتى مەن شى­عار­ماشىلىعىنا ار­نالعان «وت­كىردىڭ ءجۇزى» كىتاپ كورمەسى ۇيىم­داس­تىرىلىپ, قانات ءامىر­­حانوۆ «جاس-تۇلپار» ۇيى­مى­نىڭ ءانۇرانىن شىرقادى.

الماتى