ەلباسى نۇرسۇلتان نازارباەۆ قازاقستان پرەزيدەنتى جانىنداعى شەتەل ينۆەستورلارى كەڭەسىنىڭ اياسىندا «پولفارما» باقىلاۋشىلار كەڭەسىنىڭ پرەزيدەنتى ەجي ستاراكپەن كەزدەستى, دەپ حابارلادى پرەزيدەنتتىڭ ءباسپاسوز قىزمەتى.
كەزدەسۋ بارىسىندا كومپانيا قىزمەتىنىڭ نەگىزگى باعىتتارى, سونداي-اق, ونىڭ قازاقستاننىڭ يندۋستريالىق-يننوۆاتسيالىق دامۋ باعدارلاماسى اياسىنداعى جوبالاردى جۇزەگە اسىرۋعا قاتىسۋى ءسوز بولدى.
مەملەكەت باسشىسى ەلدەگى دەنساۋلىق ساقتاۋ جۇيەسىنىڭ ودان ءارى دامۋىن قامتاماسىز ەتۋ ءۇشىن فارماتسەۆتيكا سالاسىندا جوعارى ستاندارتتاردى ساقتاۋدىڭ ماڭىزدىلىعىن اتاپ ءوتتى.
«پولفارما» – پولشانىڭ دارىلىك پرەپاراتتار مەن بەلسەندى فارماتسەۆتيكالىق زاتتار شىعاراتىن ءىرى ءوندىرۋشىسى. 7,5 مىڭعا جۋىق ادام جۇمىس ىستەيتىن كومپانيا 600-گە جۋىق اتاۋلى ءونىم شىعارادى.